Sharad Pawar : ఎన్​సీపీ అధ్యక్ష పదవికి శరద్​ పవార్​ రాజీనామా.. మద్దతుదారుల నిరసన-sharad pawar steps down as ncp chief ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Sharad Pawar : ఎన్​సీపీ అధ్యక్ష పదవికి శరద్​ పవార్​ రాజీనామా.. మద్దతుదారుల నిరసన

Sharad Pawar : ఎన్​సీపీ అధ్యక్ష పదవికి శరద్​ పవార్​ రాజీనామా.. మద్దతుదారుల నిరసన

Sharath Chitturi HT Telugu
May 02, 2023 01:43 PM IST

Sharad Pawar : ఎన్​సీపీ అధ్యక్ష పదవి నుంచి తప్పుకుంటున్నట్టు ప్రకటించారు శరద్​ పవార్​. మంగళవారం ఉదయం జరిగిన ఓ ఈవెంట్​లో తన నిర్ణయాన్ని ప్రకటించారు.

శరద్​ పవార్​
శరద్​ పవార్​ (ANI)

Sharad Pawar resignation : రాజకీయ దిగ్గజం, ఎన్​సీపీ (నేషనలిస్ట్​ కాంగ్రెస్​ పార్టీ) అధ్యక్షుడు శరద్​ పవార్​ సంచలన ప్రకటన చేశారు. ఎన్​సీపీ అధ్యక్ష పదవికి రాజీనామా చేస్తున్నట్టు వెల్లడించారు.

మద్దతుదారుల నిరసన..

తన ఆత్మకథకు సంబంధించిన పుస్తకాన్ని మంగళవారం ఉదయం ఆవిష్కరించారు శరద్​ యాదవ్​. ముంబై వైబీ చవాన్​ సెంటర్​లో ఈ కార్యక్రమం జరిగింది. ఈ క్రమంలో తన నిర్ణయాన్ని వెల్లడించారు.

Sharad Pawar latest news : "ఎన్​సీపీ అధ్యక్ష పదవికి నేను రాజీనామా చేస్తున్నాను. ఓ సీనియర్​ ప్యానెల్​ను ఏర్పాటు చేసి పార్టీ భవిష్యత్తు కార్యచరణను రూపొందించండి," అని శరద్​ పవార్​ వ్యాఖ్యానించారు.

శరద పవార్​ వ్యాఖ్యలు విన్న ఆయన మద్దతుదారులు, పార్టీ నేతలు ఒక్కసారిగా షాక్​కు గురయ్యారు. శరద్​ పవార్​ నిర్ణయానికి వ్యతిరేకంగా నిరసన చేపట్టారు. అనేకమంది స్టేజ్​పైకి వచ్చి.. శరద్​ పవార్​ను బుజ్జగించేందుకు ప్రయత్నించారు. పార్టీ అధినేతగా కొనసాగాలని డిమాండ్​ చేశారు. తన​ నిర్ణయాన్ని పునరాలోచించుకోవాలని అన్నారు. లేకపోతే సభా ప్రాంగణం నుంచి బయటకు పంపించమని తేల్చిచెప్పారు!

Sharad Pawar book : తన​ బంధువు, ఎన్​సీపీలో కీలక నేత అజిత్​ పవార్​.. బీజేపీలో చేరుతారన్న ఊహాగానాలు జోరుగా సాగుతున్న సమయంలో.. పార్టీ అధ్యక్ష పదవికి శరద్​ పవార్​ రాజీనామా చేస్తుండటం సర్వత్రా చర్చనీయాంశంగా మారింది. అయితే.. రాజీనామా విషయంపై ఎవరితోనూ చర్చించకుండా, శరద్​ పవార్​ తన నిర్ణయాన్ని ప్రకటించినట్టు ఎన్​సీపీ ఎంపీ ప్రఫుల్​ పటేల్​ తెలిపారు.

శరద్​ పవార్​.. ఎన్​సీపీ అధ్యక్ష పదవి నుంచి మాత్రమే తప్పుకుంటున్నారని, రాజకీయాల్లో కొనసాగుతారని తెలుస్తోంది. ఎన్​సీపీ తదుపరి అధ్యక్షుడు ఎవరు? అన్న విషయాన్ని ఆయన చెప్పలేదు.

కూతురికి ముందే తెలుసా?

Sharad Pawar steps down as NCP chief : పార్టీలో చర్చించనప్పటికీ.. శరద్​ పవార్​ రాజీనామా విషయం ఆయన కూతురు, ఎంపీ సుప్రియా సూలేకు ఈ విషయం ముందే తెలుసా? అన్న అనుమానాలు వ్యక్తమవుతున్నాయి. ‘15 రోజుల తర్వాత ఓ పెద్ద విషయం బయటకొస్తుంది,’ అని కొన్ని రోజుల క్రితమే ఆమే వ్యాఖ్యానించడం ఇందుకు కారణం.

రాజకీయాల్లో కీలక పాత్ర..

82ఏళ్ల శరద్​ పవార్​.. నాలుగుసార్లు మహారాష్ట్ర సీఎంగా పనిచేశారు. కేంద్రంలో రక్షణ, వ్యవసాయశాఖ మంత్రిగా బాధ్యతలు నిర్వహించారు. 2019 మహారాష్ట్ర ఎన్నికల అనంతరం మహా వికాస్​ అఘాడీ ప్రభుత్వ ఏర్పాటుకు తీవ్రంగా కృషిచేశారు శరద్​ పవార్​. సిద్ధాంతాల పరంగా విభేదాలు ఉన్న శివసేనతో ఎన్​సీపీ, కాంగ్రెస్​ జతకట్టడంలో శరద్​ పవార్​ కీలక పాత్ర పోషించారు.

IPL_Entry_Point

సంబంధిత కథనం