Crime news : తండ్రి చేస్తున్న ప్రభుత్వ ఉద్యోగంపై తనయుడి కన్ను.. చివరికి!

Jharkhand Crime news : ఝార్ఖండ్​లో దారుణ ఘటన వెలుగులోకి వచ్చింది. తండ్రి చనిపోతే, ఆయన చేస్తున్న ప్రభుత్వ ఉద్యోగం తనకు వస్తుందని భావించిన ఓ వ్యక్తి.. దారుణానికి ఒడిగట్టాడు! కాంట్రాక్ట్​ కిల్లర్స్​తో తండ్రిని చంపేందుకు సిద్ధపడ్డాడు.

ఇదీ జరిగింది..

ఝార్ఖండ్​లోని రామ్​గఢ్​లో జరిగింది ఈ ఘటన. స్థానికంగా నివాసముంటున్న రామ్​జీ ముండా.. ఓ సీసీఎల్​(సెంట్రల్​ కోల్​ఫీల్డ్​ లిమిటెడ్​) ఉద్యోగి. అతనికి 25ఏళ్ల కుమారుడు ఉన్నాడు. అతని పేరు అమిత్​ ముండా. కాగా.. తండ్రి చేస్తున్న ప్రభుత్వం ఉద్యోగం మీద అమిత్​ కన్ను పడింది.

కోల్​ ఇండియా లిమిటెడ్​ సబ్సిడరీ అయిన సీసీఎల్​లో ఓ రూల్​ ఉంది. సంస్థకు చెందిన ఏ శాశ్వత ఉద్యోగైనా.. రిటైర్మెంట్​ కన్నా ముందు మరణించినా.. కాంపన్సేటరీ కింద.. అతనిపై ఆధారపడుతున్న వారిలో ఒకరికి, ఆ ఉద్యోగం వెళుతుంది. ఇది తెలుసుకున్న అమిత్​.. సొంత తండ్రినే చంపేందుకు సిద్ధపడ్డాడు. ఇందుకోసం పక్కా ప్లాన్​ చేశాడు. ఇద్దరు కాంట్రాక్ట్​ కిల్లర్స్​ని హైర్​ చేసుకున్నాడు.

ఈ నెల 16న.. రామ్​గఢ్​ జిల్లాలోని మట్​కామా చౌక్​ నడిరోడ్డు మీద, పట్టపగలు.. రామ్​జీ ముండా హత్యకు గురయ్యాడు. కాంట్రాక్ట్​ కిల్లర్లు అతడిపై తుపాకీలతో కాల్చి, అక్కడి నుంచి పారిపోయారు. తీవ్రంగా గాయపడిన రామ్​జీని స్థానికులు ఆసుపత్రికి తరలించారు. ఆయన ప్రస్తుతం ఆసుపత్రిలో చికిత్స పొందుతున్నాడు.

Murder for government job : మరోవైపు.. ఘటనపై సమాచారం అందుకున్న పోలీసులు.. దర్యాప్తు చేపట్టగా షాకింగ్​ విషయాలు తెలుసుకున్నారు.

"రామ్​జీ ముండాపై ఎవరు దాడి చేశారు? అన్న కోణంలో దర్యాప్తు చేస్తుండగా.. అతని కుమారుడు అమిత్​పై మాకు అనుమానం వచ్చింది. వెంటనే అతడిని విచారణకు పిలిపించాము. అతనే నిజాన్ని ఒప్పుకున్నాడు. తండ్రి చనిపోతే.. ప్రభుత్వం ఉద్యోగం తనికి వస్తుందన్న కారణంతో, ఆయన్ని చంపేందుకు ప్లాన్​ చేసినట్టు వివరించాడు. ఈ పనిని కాంట్రాక్ట్​ కిల్లర్స్​కి అప్పగించినట్టు తెలిపాడు," అని పోలీసులు వివరిచారు.

ఘటనపై కేసు నమోదు చేసుకున్న పోలీసులు.. ప్రభుత్వ ఉద్యోగం కోసం సొంత తండ్రినే చంపేందుకు సిద్ధపడిన 25ఏళ్ల అమిత్​ని.. హత్యాయత్నం కింద అరెస్ట్​ చేశారు. పరారీలో ఉన్న కాంట్రాక్ట్​ కిల్లర్స్​ని పట్టుకునేందుకు గాలింపు చర్యలు చేపట్టారు. వారిని త్వరలోనే పట్టుకుంటామని అధికారులు తెలిపారు.

గతంలో కూడా.!

Son kills father for job : 2020లో సరిగ్గా ఇలాంటి ఘటనే ఒకటి జరిగింది. తాజా ఘటనలో రామ్​జీ ముండాకు గాయాలవ్వగా.. నాటి ఘటనలో ఓ 55ఏళ్ల వ్యక్తి ప్రాణాలు కోల్పోయాడు.

సీసీఎల్​ ఉద్యోగి అయిన ఆ 55ఏళ్ల వ్యక్తికి 25ఏళ్లు కుమారుడు ఉన్నాడు. అతడు నిరుద్యోగి. తండ్రి మరణిస్తే, ఆ ఉద్యోగం వస్తుందని భావించిన అతను.. తండ్రిని చంపాలని ఫిక్స్​ అయ్యాడు. సీసీఎల్​ వర్క్​షాప్​లోనే.. తండ్రి గొంతు కోసి హత్య చేశాడు. చివరికి పోలీసులకు దొరికిపోయాడు.