Infant mauled by dog: వీధి కుక్క దాడిలో ఏడు నెలల చిన్నారి మృతి

తల్లిదండ్రులు నిర్మాణ రంగంలో కూలీలుగా ఉన్నారు. తాము పని చేస్తున్న ప్రదేశానికి దగ్గరలో ఏడు నెలల బాబును పడుకోబెట్టి, పనిలోకి వెళ్లారు.

Infant mauled by dog: వీధి కుక్క దాడి..

అంతలో, అక్కడికి వచ్చిన ఒక వీధి కుక్క ఆ శిశువుపై దాడి చేసి, తీవ్రంగా గాయపర్చింది. అది గమనించిన అక్కడి కార్మికులు ఆ శిశువును కాపాడే లోపే తీవ్రంగా గాయపర్చి, పారిపోయింది. సోమవారం మధ్యాహ్నం నోయిడాలోని సెక్టార్ 100లో ఉన్న లోటస్ బౌల్వర్డ్ హౌసింగ్ సొసైటీ లో ఈ దారుణం జరిగింది.

Infant mauled by dog: ఆసుపత్రికి..

అనంతరం, ఆ బాలుడిని స్థానికులు హుటాహుటిన ఆసుపత్రికి తరలించారు. అక్కడ చికిత్ పొందుతూ సోమవారం రాత్రి ఆ బాలుడు చనిపోయాడు. ఈ ఘటనపై అక్కడి హౌజింగ్ సొసైటీ లోని వారు తీవ్ర ఆగ్రహం వ్యక్తం చేస్తున్నారు. వీధి కుక్కల బెడదపై ఎన్నిసార్లు ఫిర్యాదు చేసినా అధికారులు పట్టించుకోవడం లేదని మండిపడ్డారు. మంగళవారం ఉదయం తమ సొసైటీ ముందు రోడ్డుపై బైఠాయించి నిరసన తెలిపారు.