S Jaishankar speaks: ‘ఆ విషయంలో రష్యాపై ఒత్తిడి తేవాలన్న రిక్వెస్ట్ వచ్చింది..’

S Jaishankar speaks: రష్యా, ఉక్రెయిన్ ల మధ్య తీవ్ర స్థాయిలో యుద్ధం కొనసాగుతున్న విషయం తెలిసిందే. అలాగే, అణు కేంద్రం ఉన్న జపోరిఝియాలోనూ ఇరు దేశాల సైనికులు హోరాహోరీ పోరాడుతున్నారు.

S Jaishankar speaks: అణు కేంద్రం రక్షణ

ఈ నేపథ్యంలో, ‘‘జపోరిఝియాలో ఉన్న అణు కేంద్రం రక్షణపై ఆందోళన నెలకొన్నది. ఆ అణుకేంద్రానికి అత్యంత సమీపంలో కూడా యుద్ధం కొనసాగుతోంది. ఒకవేళ, అణు కేంద్రం ధ్వంసమైతే, దాని విపరిణామాలు అత్యంత దారుణంగా ఉంటాయి. దాంతో, ఆ అణు కేంద్రం రక్షణ విషయంలో రష్యాపై ఒత్తిడి తీసుకురావాలని భారత్ పై పలు దేశాల నుంచి తమకు రిక్వెస్ట్ లు వచ్చాయి. వెంటనే స్పందించిన భారత్.. తదనుగుణంగా చర్యలు తీసుకుంది’‘ అని జైశంకర్ వివరించారు.

S Jaishankar speaks: న్యూజీలాండ్ లో..

విదేశాంగ మంత్రి జై శంకర్ ప్రస్తుతం న్యూజీలాండ్ పర్యటనలో ఉన్నారు. న్యూజీలాండ్ లో విదేశాంగ మంత్రి హోదాలో ఆయన పర్యటించడం ఇదే తొలిసారి. ఈ సందర్బంగా ఆ దేశంతో పలు అంతర్జాతీయ, ద్వైపాక్షిక అంశాలపై ఆయన చర్చించారు. రష్యా, ఉక్రెయిన్ యుద్ధ సంక్షోభాన్ని నిలువరించడానికి ఏ రకమైన సాయమైనా చేసేందుకు భారత్ సిద్ధంగా ఉందని ఆయన పునరుద్ఘాటించారు.