CAT 2023 notification : క్యాట్​ 2023 నోటిఫికేషన్​ విడుదల.. పరీక్ష ఎప్పుడంటే..

CAT 2023 notification : కామన్​ అడ్మిషన్​ టెస్ట్​ (క్యాట్​) 2023కి సంబంధించిన నోటిఫికేషన్​ తాజాగా విడుదలైంది. iimcat.ac.in లో అభ్యర్థులు నోటిఫికేషన్​ను పొందవచ్చు. ఈ నోటిఫికేషన్​లో.. రిజిస్ట్రేషన్​, ఎగ్జామ్​ తేదీలతో పాటు ఇతర వివరాలను వెల్లడించింది ఐఐఎం లక్నో. పూర్తి వివరాల్లోకి వెళితే..

ముఖ్యమైన తేదీలు..

రిజిస్ట్రేషన్​ మొదలయ్యే తేది:- ఆగస్టు 2 ఉదయం 10 గంటలు

రిజిస్ట్రేషన్​ ప్రక్రియ పూర్తయ్యే తేదీ:- సెప్టెంబర్​ 13 సాయంత్రం 5 గంటలు

అడ్మిట్​ కార్డు విడుదల చేసే తేదీ:- అక్టోబర్​ 25

CAT 2023 registration : పరీక్ష నిర్వహించే తేదీ:- నవంబర్​ 26

ఫలితాలు ప్రకటించే తేదీ:- 2024 జనవరి రెండో వారం (అంచనా)

అప్లికేషన్​ ఫీజు:- ఓసీలకు రూ. 2,400. ఎస్​సీ/ఎస్​టీ/పీడబ్ల్యూడీ అభ్యర్థులకు రూ. 1,200.

ఎలిజెబులిటీ:- బ్యాచిలర్​ డిగ్రీలో కనీసం 50శాతం పర్సెంటేజ్​ లేదా అందుకు సమానమైన సీజీపీఏ (ఎస్​సీ, ఎస్​టీ, పీడబ్ల్యూడీలకు 45శాతం సరిపోతుంది) ఉన్న అభ్యర్థులు క్యాట్​ 2023 పరీక్షకు హాజరవ్వచ్చు.

ఇదీ చూడండి:- JIMPER recruitment 2023: జిప్మర్ లో ప్రొఫెసర్, అసిస్టెంట్ ప్రొఫెసర్ పోస్ట్ ల భర్తీకి నోటిఫికేషన్

CAT 2023 exam date : బీ స్కూల్స్​లో అడ్మిషన్​ తీసుకుని ఎంబీఏ కోర్సులు చదువుదామని భావిస్తున్న అభ్యర్థులకు ఈ క్యాట్​ స్కోర్​ చాలా కీలకం. దీనిని పరిగణలోకి తీసుకునే.. ఐఐఎంలు సీట్లను కేటాయిస్తాయి. అయితే.. క్యాట్​లో క్వాలిఫై అయినంత మాత్రనా సీట్​ వచ్చేస్తుందని ఏం లేదు! క్యాట్​ స్కోర్​ ఆధారంగా అభ్యర్థులను ఎంపిక చేసినప్పటికీ, అనేక ఐఐఎంలు.. సొంతంగా అడ్మిషన్​ రౌండ్స్​ నిర్వహిస్తుంటాయి. రాత పరీక్ష, గ్రూప్​ డిస్కషన్స్​, వ్యక్తిగత ఇంటర్వ్యూలు వంటివి ఉంటాయి. ఇవన్నీ పాస్​ అయితేనే సీటు లభిస్తుంది.

ఐఐఎం లక్నో ఈసారి పరీక్షను నిర్వహిస్తోంది. కాగా.. క్యాట్​ 2022ను ఐఐఎం బెంగళూరు నిర్వహించింది. ఆగస్ట్​ మొదటి వారంలో ప్రారంభమైన రిజిస్ట్రేషన్​ ప్రక్రియ.. సెప్టెంబర్​ 21న ముగిసింది. నవంబర్​లో పరీక్ష జరిగింది.

CAT 2023 syllabus : వర్బల్​ ఎబిలిటీ, రీడింగ్​ కాంప్రిహెన్షన్​, డేటా ఇంటర్​ప్రిటేషన్​, లాజికల్​ రీజనింగ్​, క్వాంటిటేటివ్​ ఆప్టిట్యూడ్​ వంటివి ఈ క్యాట్​ పరీక్షకు సిలబస్​గా ఉంటాయి.