జూన్​ 30 నుంచి అమర్​నాథ్​ యాత్ర

Amarnath yatra 2022 | పవిత్ర అమర్​నాథ్​ యాత్ర.. ఈ ఏడాది జూన్​ 30న ప్రారంభంకానుంది. మొత్తం మీద 43రోజుల పాటు యాత్ర సాగనుంది. ఈ విషయాన్ని జమ్ముకశ్మీర్​ లెఫ్టినెంట్​ గవర్నర్​ కార్యాలయం ఆదివారం ట్వీట్​ చేసింది. ఎల్​జీ మనోజ్​ సిన్హా నేతృత్వంలో జరిగిన అమర్​నాథ్​ బోర్డు సభ్యుల సమావేశంలో ఈ నిర్ణయం తీసుకున్నారు.

2019లో జమ్ముకశ్మీర్​ ప్రత్యేక ప్రతిపత్తి రద్దు నేపథ్యంలో అమర్​నాథ్​ యాత్ర అర్థంతరంగా నిలిచిపోయింది. ఆ తర్వాత యాత్రపై 2020 నుంచి కొవిడ్​ ప్రభావం పడుతూ వస్తోంది.

ఈసారి కొవిడ్​ నిబంధనలతో అమర్​నాథ్​ యాత్రకు అన్ని ఏర్పాట్లు చేస్తామని అధికారులు వెల్లడించారు.

ప్రతిఏటా.. లక్షలాది మంది భక్తులు అమర్​నాథుడిని దర్శించుకునేందుకు జమ్ముకశ్మీర్​కు వెళుతూ ఉంటారు. ఈ అమర్​నాథ్​ యాత్ర ప్రపంచవ్యాప్తంగా ప్రసిద్ధిగాంచింది.