Infinix Smart 6 - ఈ ఫోన్ సైజ్ పెద్దది, ధర చిన్నది!

హాంగ్ కాంగ్‌కు చెందిన మొబైల్ తయారీదారు ఇన్ఫినిక్స్ తాజాగా Infinix Smart 6 స్మార్ట్‌ఫోన్‌ను భారత మార్కెట్లో విడుదల చేసింది. ఇది ఎంట్రీ-లెవల్ స్పెసిఫికేషన్‌లతో వచ్చిన 4G స్మార్ట్‌ఫోన్‌. సరసమైన ధరలోనే వినియోగదారులకు ఉత్తమైన ఫీచర్లు కల్పిస్తుంది. ఇందులో భాగంగా Infinix Smart 6 స్మార్ట్‌ఫోన్‌లో పెద్ద డిస్‌ప్లే, మంచి ప్రాసెసర్, మెరుగైన బ్యాటరీ, DTS ఆడియో ప్రాసెసింగ్, ఫేస్ అన్‌లాక్, ఫింగర్ ప్రింట్ అన్‌లాక్ మొదలగు ఫీచర్లను కల్పిస్తుంది. 

ఇంకా ఇందులో స్పెసిఫికేషన్లు ఉన్నాయి, ధర ఎంత? తదితర వివరాలను ఇక్కడ పరిశీలించండి..

Infinix Smart 6 స్మార్ట్‌ఫోన్‌ ఫీచర్స్, స్పెసిఫికేషన్స్

6.6 అంగుళాల HD+ డిస్‌ప్లే

4GB RAM (2GB + 2GB వర్చువల్ RAM), 32 GB ఇంటర్నల్ స్టోరేజ్ సామర్థ్యం

మీడియాటెక్ హీలియో A22 ప్రాసెసర్

వెనకవైపు 8 మెగా పిక్సెల్ కెమెరా, ముందు భాగంలో 5 MP సెల్ఫీ షూటర్‌

ఆండ్రాయిడ్ 11 ఆపరేటింగ్ సిస్టమ్

5000 mAh బ్యాటరీ సామర్థ్యం

ధర రూ. 7,499/-

ఈ ఫోన్ ఒకే వేరియంట్‌లో విడుదలైంది, ఇతర వేరియంట్‌లు ఏవీ లేవు. అలాగే ఈ సరికొత్త ఫోన్- లైట్ ఆఫ్ సీ గ్రీన్, పోలార్ బ్లాక్, స్టార్రి పర్పుల్, హార్ట్ ఆఫ్ ఓషన్ అనే నాలుగు కలర్లలో లభిస్తుంది. మే 6, 2022 నుంచి Flipkart ద్వారా ఈ మొబైల్ కొనుగోలుదారులకు అందుబాటులో ఉంటుంది.