Tillu Square Release Date: టిల్లూ స్క్వేర్ రిలీజ్ డేట్ వచ్చేసింది.. ఎప్పుడు వస్తున్నాడంటే?

Tillu Square Release Date: టిల్లూ స్క్వేర్ తో సిద్దూ మళ్లీ వచ్చేస్తున్నాడు. బబ్లీ గర్ల్ అనుపమ పరమేశ్వరన్ తో కలిసి అతడు నటించిన ఈ సినిమా రిలీజ్ డేట్ ను మేకర్స్ శుక్రవారం (అక్టోబర్ 27) అనౌన్స్ చేశారు. వచ్చే ఏడాది ఫిబ్రవరి 9న టిల్లూ స్క్వేర్ మూవీ ప్రేక్షకుల ముందుకు రానుంది. గతేడాది ఫిబ్రవరి 12న డీజే టిల్లు రిలీజైన విషయం తెలిసిందే.

దీంతో టిల్లూ స్క్వేర్ మూవీని కూడా అదే సమయంలో రిలీజ్ చేయాలని మేకర్స్ నిర్ణయించారు. ఈ రిలీజ్ డేట్ ను ఫార్చూన్ ఫోర్ సినిమాస్ సోషల్ మీడియా ద్వారా వెల్లడించింది. హిస్టరీ రిపీట్ అనే పదం స్ఫురించేలా హిస్-స్టోరీ రిపీట్ అనే ఇంగ్లిష్ పదాలతో మేకర్స్ రిలీజ్ డేట్ అనౌన్స్ చేశారు. "టిల్లూ స్క్వేర్ తో మరోసారి హిస్-స్టోరీ (His-Story) రిపీట్ కానుంది. టిల్లూ అన్నా మాస్ ఫిబ్రవరి 9, 2024 నుంచి డబుల్ ఫన్, డబుల్ ఎంటర్‌టైన్మెంట్ తో థియేటర్లను బ్లాస్ట్ చేయనున్నాడు" అని ఫార్చూన్ ఫోర్ సినిమాస్ ట్వీట్ చేసింది.

సితార ఎంటర్‌టైన్మెంట్స్, ఫార్చూన్ ఫోర్ సినిమాస్ సంయుక్తంగా ఈ సినిమాను నిర్మిస్తున్నాయి. మల్లిక్ రామ్ ఈ సినిమాను డైరెక్ట్ చేస్తున్నాడు. రామ్ మిరియాల మ్యూజిక్ అందిస్తున్నాడు. నిజానికి టిల్లూ స్క్వేర్ మూవీ సెప్టెంబర్ 15నే రిలీజ్ కావాల్సి ఉంది. అయితే మూవీ రిలీజ్ ను వాయిదా వేస్తున్నట్లు రిలీజ్ కు పది రోజుల ముందు మేకర్స్ అనౌన్స్ చేశారు.

ప్రొడక్షన్ లో ఎలాంటి రాజీ లేకుండా అత్యుత్తమ ప్రమాణాలతో సినిమాను తీసుకురావాలన్న ఉద్దేశంతోనే మూవీ ఆలస్యమవుతున్నట్లు చెప్పారు. డీజే టిల్లులో నేహా శెట్టితో రొమాన్స్ చేసిన సిద్దూ జొన్నలగడ్డ.. టిల్లూ స్క్వేర్ లో అనుపమతో రొమాన్స్ చేయనున్నాడు. ఇప్పటికే ఈ సినిమా ఓ సాంగ్ రిలీజైంది. టికెట్టే కొనకుండా అంటూ సాగిపోయిన ఆ మాస్ పాట.. స్టెప్పులేయించేలా ఉంది.