CCL 2023 Akhil Akkineni: అఖిల్ అక్కినేని, అశ్విన్ బ్యాటింగ్ మెరుపులు - సీసీఎల్‌లో తెలుగు వారియ‌ర్స్ సెకండ్ విన్‌

CCL 2023 Akhil Akkineni: సెల‌బ్రిటీ క్రికెట్ లీగ్‌లో (సీసీఎల్‌) తెలుగు వారియ‌ర్స్ టీమ్ అద‌ర‌గొట్టింది. తొలి మ్యాచ్‌లో 91 ప‌రుగుల‌తో రాణించిన తెలుగు వారియ‌ర్స్ కెప్టెన్ అఖిల్ అక్కినేని రెండో మ్యాచ్‌లో హాఫ్ సెంచ‌రీతో అద‌ర‌గొట్టాడు. అఖిల్‌, అశ్విన్‌బాబు మెరుపుల‌తో శ‌నివారం బెంగాల్ టైగ‌ర్స్‌పై తెలుగు వారియ‌ర్స్ ఎనిమిది వికెట్ల తేడాతో ఘ‌న విజ‌యాన్ని సాధించింది.

ఫ‌స్ట్ ఇన్నింగ్స్‌లో అఖిల్‌ 57 ర‌న్స్ చేయ‌గా. అశ్విన్ బాబు43 ర‌న్స్ చేశాడు. సెకండ్ ఇన్నింగ్స్‌లో అశ్విన్ 62, అఖిల్ 33 ప‌రుగుల‌తో రాణించారు. ఈ మ్యాచ్‌లో బెంగాళ్ వారియ‌ర్స్ ఫ‌స్ట్ ఇన్నింగ్స్‌లో 114, సెకండ్ ఇన్నింగ్స్‌లో 126 ర‌న్స్ చేయ‌గా తెలుగు వారియ‌ర్స్ ఫ‌స్ట్ ఇన్నింగ్స్‌లో 126, సెకండ్ ఇన్నింగ్స్‌లో ఎనిమిది ఓవ‌ర్ల‌లో 117 ర‌న్స్ చేసి విజ‌యాన్ని అందుకున్న‌ది.

ఈ మ్యాచ్‌లో ఆల్ రౌండ్ ప్ర‌ద‌ర్శ‌న‌తో ఆక‌ట్టుకున్న అశ్విన్‌బాబు మ్యాన్ ఆఫ్ ది మ్యాచ్ అవార్డు ద‌క్కింది. రెండు మ్యాచ్‌ల‌లో వ‌రుస‌గా విజ‌యాన్ని అందుకున్న తెలుగు వారియ‌ర్స్ నాలుగు పాయింట్ల‌తో టాప్ ప్లేస్‌లో నిలిచింది. సీసీఎల్ క్రికెట్ లీగ్‌లో మొత్తం ఎనిమిది టీమ్ లు త‌ల‌ప‌డుతోన్నాయి.