Sreeleela: ఫ్లాపుల్లో హ్యాట్రిక్ కొట్టిన శ్రీలీల - ధ‌మాకా బ్యూటీ ఆశ‌ల‌న్నీ మ‌హేష్‌పైనే

Sreeleela: 2023లో హ్యాట్రిక్ ఫ్లాప్‌ల‌ను త‌న ఖాతాలో వేసుకున్న‌ది శ్రీలీల‌. ఈ ఏడాది శ్రీలీల హీరోయిన్‌గా న‌టించిన స్కంద క‌మ‌ర్షియ‌ల్ ఫెయిల్యూర్‌గా నిల‌వ‌గా ఆదికేశ‌వ డిజాస్ట‌ర్ అయ్యింది. తాజాగా ఎక్స్‌ట్రా ఆర్డిన‌రీ మ్యాన్ కూడా ప‌రాజ‌యం దిశ‌గా సాగుతోంది.

తొలిరోజే నుంచే ఈ సినిమాకు నెగెటివ్ టాక్ వ‌స్తోంది. ఫ‌స్ట్ డే మోస్తారు వ‌సూళ్ల‌ను రాబ‌ట్టిన ఈ మూవీ రెండో రోజు బాక్సాఫీస్ వ‌ద్ద పూర్తిగా డీలా ప‌డింది. ఈ నేప‌థ్యంలో ఈ ఇయ‌ర్‌లో శ్రీలీల అకౌంట్‌లో హ్యాట్రిక్ ఫ్లాపులు చేర‌డం ఖాయ‌మ‌ని టాలీవుడ్ వ‌ర్గాలు చెబుతోన్నాయి. బ్యాక్ టూ బ్యాక్ ప్లాప్‌ల‌తో ఆడియెన్స్‌ను ఈ ధ‌మాకా బ్యూటీ డిస‌పాయింట్ చేసింది.

ధ‌మాకాతో....

ధ‌మాకాలో రెగ్యుల‌ర్ క‌మ‌ర్షియ‌ల్ రోల్‌లో క‌నిపించిన శ్రీలీల‌ త‌న డ్యాన్సులు, గ్లామ‌ర్‌తో ఎట్రాక్ట్ చేసింది.. ఈ సినిమా వంద కోట్ల‌కుపైగా క‌లెక్ష‌న్స్ రాబ‌ట్ట‌డంతో తెలుగులో శ్రీలీల‌ ల‌క్కీ ఛార్మ్‌గా మారిపోయింది. ఒకేసారి ఎనిమిది సినిమాల‌పై సంత‌కం చేసి టాలీవుడ్‌లో మోస్ట్ వాంటెడ్ హీరోయిన్‌గా మారిపోయింది. స్టార్ హీరోల‌తో సినిమాలు చేసే అవ‌కాశం రావ‌డంతో స్క్రిప్ట్‌, క్యారెక్ట‌ర్స్ గురించి ఏ మాత్రం ఆలోచించ‌కుండా శ్రీలీల వ‌రుస‌గా సినిమాల్ని అంగీక‌రించింది.

అదే శ్రీలీల చేసిన బిగ్గెస్ట్ మిస్టేక్ అని స్కంద‌, ఆదికేశ‌వ‌తో పాటు ఎక్స్‌ట్రా ఆర్డిన‌రీ మ్యాన్ సినిమాలు ప్రూవ్ చేశాయి. భ‌గ‌వంత్ కేస‌రిలో మాత్ర‌మే ఆమె యాక్టింగ్ టాలెంట్‌ను చూపించే అవ‌కాశం ద‌క్కింది. న‌టిగా ఆమెకు స‌వాల్ విసిరే పాత్ర ద‌క్కింది.

ఆ సినిమా మిన‌హా స్కంద‌, ఆదికేశ‌వ‌తోపాటు ఎక్స్‌ట్రా ఆర్డిన‌రీ మ్యాన్‌ల‌లో కేవ‌లం పాట‌ల‌తో పాటు కొన్ని స‌న్నివేశాల‌కు ప‌రిమిత‌మ‌య్యే పాత్ర‌ల్లోనే క‌నిపించింది. ఆమె పాత్ర‌ల్లో మాత్ర‌మే కాదు ఈ సినిమా క‌థ‌ల్లో కొత్త‌ద‌నం లేక‌పోవ‌డంతో డిజాస్ట‌ర్స్‌గా మిగిలాయి.

గుంటూరు కారంపైనే...

శ్రీలీల ఆశ‌ల‌న్నీ మ‌హేష్‌బాబు గుంటూరుకారంపైనే ఉన్నాయి. తొలుత ఈ సినిమాలో సెకండ్ హీరోయిన్‌గా శ్రీలీల సెలెక్ట్ అయ్యింది. సెట్స్‌లో అడుగుపెట్ట‌కుండానే పూజాహెగ్డే గుంటూరుకారం నుంచి వైదొల‌గ‌డంతో శ్రీలీలకు మెయిన్ హీరోయిన్‌గా ప్ర‌మోష‌న్ ద‌క్కింది.

ఈ సినిమాలో మ‌హేష్‌బాబుతో శ్రీలీల కెమిస్ట్రీని డైరెక్ట‌ర్ త్రివిక్ర‌మ్ డిఫ‌రెంట్‌గా ప్ర‌జెంట్ చేయ‌బోతున్న‌ట్లు ప్ర‌చారం జ‌రుగుతోంది. మ‌హేష్‌బాబు మూవీపైనే శ్రీలీల బోలెడు ఆశ‌లు పెట్టుకున్న‌ది. శ్రీలీల హ్యాట్రిక్ ఫ్లాప్‌ల‌కు గుంటూరు కారంతో పుల్‌స్టాప్ ప‌డ‌నుందా? లేదా? అన్న‌ది సంక్రాంతికి తేల‌నుంది.

గుంటూరు కారం త‌ర్వాత ఉస్తాద్ భ‌గ‌త్‌సింగ్‌తో పాటు విజ‌య్ దేవ‌ర‌కొండ‌, గౌత‌మ్ తిన్న‌నూరి మూవీలో శ్రీలీల హీరోయిన్‌గా న‌టిస్తోంది. ఈ సినిమాలు వ‌చ్చే ఏడాది ప్రేక్ష‌కుల ముందుకు రాబోతోంది.