Prabhas | ప్రభాస్ ఆతిథ్యానికి అమితాబ్ ఫిదా

స్టార్ హీరో ప్రభాస్ ఆతిథ్యానికి బిగ్ బి అమితాబ్ బచ్చన్ ఫిదా అయ్యారు. ప్రభాస్ ఇంటి ఫుడ్ టెస్ట్ అద్భుతమంటూ మెచ్చుకున్నారు. అంతేకాదు ప్రభాస్ ప్రశంసల్ని కూడా ఆరగించుకోవడం కష్టమేనని ఫన్నీగాఅమితాబ్ కాంప్లిమెంట్స్ ఇచ్చారు. ప్రభాస్ హీరోగా నాగ్ అశ్విన్ దర్శకత్వంలో ‘ప్రాజెక్ట్- కె’ సినిమా తెరకెక్కుతోన్న సంగతి తెలిసిందే. ప్రస్తుతం హైదరాబాద్ లోని రామోజీ ఫిల్మ్ సిటీలో ఈ సినిమా షూటింగ్ జరుగుతోంది. ప్రభాస్,అమితాబ్ బచ్చన్ లపై కీలక సన్నివేశాలను దర్శకుడు నాగ్ అశ్విన్ చిత్రీకరిస్తున్నారు. కాగా ఆదివారం అమితాబ్ బచ్చన్ కు తన ఇంటి నుంచి ప్రభాస్ ఫుడ్ పంపించారట.బిగ్ బి కోసం స్పెషల్ గా వెజ్, నాన్ వెజ్ వంటకాల్ని ప్రిపేర్ చేసినట్లు తెలిసింది.ఫుడ్ టెస్ట్ కు అమితాబ్ బచ్చన్ ఫిదా అయ్యారు. ప్రభాస్ పై ఫన్నీగా ప్రశంసలు కురిపించారు. ‘బాహుబలి’ ప్రభాస్ ఆతిథ్యం వెలకట్టలేనిది అంటూ అమితాబ్ ట్విట్టర్ ద్వారా పేర్కొన్నారు. ‘ప్రభాస్ ఇంటి భోజనం అద్భుతం. రుచిని వర్ణించడానికి మాటలు చాలవు. అతడు పంపించిన క్వాంటిటీతో ఓ ఆర్మీ క్యాంప్ కు భోజనం పెట్టవచ్చు’ అంటూ తెలిపారు. ఫుడ్ మాత్రమే కాదు ప్రభాస్ అభినందనలను  కూడా ఆరగించుకోవడం కష్టమే అంటూ సరదాగా అమితాబ్ వ్యాఖ్యానించారు. అమితాబ్ బచ్చన్ ట్విట్టర్ లో పెట్టిన ఈ పోస్ట్ ప్రభాస్ అభిమానులను ఆకట్టుకుంటోంది. కోస్టార్స్ కు ప్రభాస్ ఆతిథ్యాన్ని ఇవ్వడం కొత్తమీ కాదు. గతంలో పూజాహెగ్డే, శృతిహాసన్, కృతిసనన్, దీపికా పదుకోణ్ తో పాటు పలువురు నాయకానాయికలకు ప్రభాస్ స్పెషల్ గా ఇంటి నుంచి ఫుడ్ ప్రిపేర్ చేయించి పంపించారు.  వారందరూ ప్రభాస్ పంపించిన ఫుడ్ కు ఫ్యాన్స్ అయ్యారు.  ఈ లిస్ట్ లో అమితాబ్  చేరిపోయారు. కాగా సైంటిఫిక్ కథాంశంతో ‘ప్రాజెక్ట్- కె’ సినిమా రూపొందుతోంది. దాదాపు నాలుగు వందల కోట్ల బడ్జెట్ తో వైజయంతీ మూవీస్ సంస్థ ఈ చిత్రాన్ని నిర్మిస్తోంది. ఈ సినిమాతో దీపికా పదుకోణ్ కథానాయికగా టాలీవుడ్ లోకి అడుగుపెడుతోంది.