Guntur Kaaram Story Leak: గుంటూరు కారం స్టోరీ లీక్.. మహేశ్ బాబు పాత్ర ఇదే.. హమ్మా గురూజీ!

Guntur Kaaram Story Leak: సూపర్ స్టార్ మహేశ్ బాబు, మాటల మాంత్రికుడు త్రివిక్రమ్ కాంబినేషన్‌లో వస్తున్న మూడో సినిమా గుంటూరు కారం. గుంటూరు కారం సినిమాలో డ్యాన్సింగ్ క్వీన్ శ్రీలీల, హిట్ 2 బ్యూటి మీనాక్షి చౌదరి హీరోయిన్లుగా చేస్తున్నారు. టాలీవుడ్ టాప్ మ్యూజిక్ డైరెక్టర్ ఎస్ఎస్ తమన్ సంగీతం అందిస్తున్నారు. ఈ సినిమా నుంచి విడుదలైన మూడు పాటలకు మంచి రెస్పాన్స్ వచ్చింది. ఒక కుర్చీ మడతపెట్టి పాటపై విపరీతమైన ట్రోలింగ్ జరిగింది.

ఇదిలా ఉంటే గుంటూరు కారం సినిమా స్టోరీ లీక్ అయిందని ఓ వార్త ప్రచారం అవుతోంది. గుంటూరు కారం సినిమా ఔట్ అండ్ ఔట్ పొలిటికల్ బ్యాగ్ డ్రాప్‌లో ఉండనుందట. గుంటూరు కారం సినిమాలో సూపర్ స్టార్ మహేశ్ బాబు వెంకటరమణా రెడ్డి పాత్రలో కనిపించనున్నాడట. పాలిటిక్స్ అంటే ఇష్టం లేని వెంకటరమణా రెడ్డి తన తండ్రి రాజకీయ వారసత్వాన్ని అందిపుచ్చుకుని రాజకీయపరంగా ఉన్న శత్రువలను ఎలా ఎదుర్కొన్నాడనేదే గుంటూరు కారం మూవీ కథ అని ఓ లీక్ న్యూస్ స్ప్రెడ్ అవుతోంది.

గుంటూరు కారం చిత్రానికి సంబంధించి లీకైన ఫొటోలో జనదళం పార్టీ ప్రధాన కార్యదర్శి వైరా వెంకటే స్వామిగా ప్రకాష్ కనిపించారు. జనదళం పార్టీకి కాగడా గుర్తు ఉంది. ఈ కాగడా గుర్తు ఇటీవల విడుదలైన దమ్ మసాలా పాటలో మహేశ్ బాబు కారు అద్దంపై కనిపించింది. దీంతో గుంటూరు కారం సినిమా పొలిటికల్ బ్యాగ్ డ్రాప్‌లో జరిగే మూవీ అని సోషల్ మీడియాలో కథనాలు ప్రచారం అవుతున్నాయి.

ఇదిలా ఉంటే మాటల మాంత్రికుడు త్రివిక్రమ్ అతడు, అరవింద సమేత సినిమాల్లో రాజకీయ నేపథ్యాన్ని జోడించాడు. కానీ, ఫుల్ లెంతీ పొలిటికల్ మూవీ అయితే తెరకెక్కించలేదు. అందుకే, గుంటూరు కారం సినిమాను పూర్తి స్థాయిలో రాజకీయ నేపథ్యంతో తెరకెక్కించనున్నట్లు సమాచారం. అలాగే మహేశ్ బాబు నటించిన భరత్ అనే నేను, దూకుడు సినిమాలను పోలి గుంటూరు కారం ఉండనున్నట్లు తెలుస్తోంది.

అంతేకాకుండా బ్యూటిఫుల్ శ్రీలీల ఇందులో యంగ్ జర్నలిస్ట్ పాత్రలో కనిపించనుందట. పాలిటిక్స్‌ను కవర్ చేసే పనిలో రమణారెడ్డి ప్రేమలో పడిపోతుందట. అలా జర్నలిస్ట్‌తో రమణారెడ్డి లవ్ స్టోరీ ఘాటుగా ఉంటుందని తెలుస్తోంది. ఇక మరో ముఖ్యమైన పాత్రలో హాట్ బ్యూటి మీనాక్షి చౌదరి నటించనుంది. ఆమె పాత్ర కాస్తా సస్పెన్స్‌గా ఇంట్రెస్టెంట్‌గా ఉంటుందని టాక్.

అయితే ఇప్పటికీ గుంటూరు కారం సినిమా కథను అటు పాటల్లో గానీ, టీజర్‌లో గానీ రివీల్ చేయలేదు. ట్రైలర్‌లో కూడా రివీల్ చేయకుండా కేవలం మహేశ్ బాబు మాస్ యాక్షన్స్‌తో విడుదల చేయనున్నారట. దీంతో ఎలాంటి హింట్స్ ఇవ్వకుండా గుంటూరు కారం సినిమా పొలిటికల్ కథాంశంతో ఉంటుందని కేవలం థియేటర్లలో తెలిసేలా త్రివిక్రమ్ స్కెచ్ వేశాడని అనుకుంటున్నారు. అది చూసి హమ్మా గురూజీ ఏమైనా ప్లానా అని నెటిజన్స్ సరదాగా కామెంట్స్ చేస్తున్నారు.

ఇదిలా ఉంటే మహేశ్ బాబు గుంటూరు కారం సినిమాను జనవరి 12న ప్రపంచవ్యాప్తంగా విడుదల చేయనున్నారు. ఈ ఏడాది సంక్రాంతి కానుకగా గుంటూరు కారం రిలీజ్ కానుంది. గుంటూరు కారం అతిపెద్ద పండుగ కానుందని ఇప్పటికే నిర్మాత నాగవంశీ ట్వీట్ చేసిన విషయం తెలిసిందే.