Agent Second Single Release: ఏజెంట్ నుంచి మరో పాట.. రొమాంటిక్ మెలోడి అదుర్స్-endhe endhe song released from akhil akkineni agent movie ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Endhe Endhe Song Released From Akhil Akkineni Agent Movie

Agent Second Single Release: ఏజెంట్ నుంచి మరో పాట.. రొమాంటిక్ మెలోడి అదుర్స్

Maragani Govardhan HT Telugu
Mar 24, 2023 07:31 PM IST

Agent Second Single Release: అఖిల్ హీరోగా నటించిన ఏజెంట్ నుంచి మరో పాట విడుదలైంది. ఏందే ఏందే అంటూ సాగే ఈ రొమాంటిక్ సాంగ్ అదిరిపోయింది. ఏజెంట్ చిత్రం ఏప్రిల్ 28న ప్రపంచ వ్యాప్తంగా ప్రేక్షకుల ముందుకు రానుంది.

ఏజెంట్ చిత్రం నుంచి ఏందే ఏందే పాట విడుదల
ఏజెంట్ చిత్రం నుంచి ఏందే ఏందే పాట విడుదల

Agent Second Single Release: అక్కినేని హీరో అఖిల్ గత ఏడాదిన్నర కాలంగా ఒకే సినిమాతో ఫుల్ బిజీగా ఉన్నాడు. అదే ఏజెంట్. సురేందర్ రెడ్డి దర్శకత్వంలో తెరకెక్కుతోన్న ఈ సినిమా ఇప్పటికే విడుదల కావాల్సి ఉండగా.. ఆలస్యమవుతూ వచ్చింది. అయితే మధ్య మధ్యలో సినిమాకు సంబంధించిన టీజర్లు, పాటలు మూవీపై అంచనాలను భారీగా పెంచేశాయి. తాజాగా ఈ సినిమాకు సంబంధించి అదిరిపోయే అప్డేట్ ఇచ్చింది చిత్రబృందం. ఏజెంట్ సినిమా నుంచి పాటను విడుదల చేసింది.

ట్రెండింగ్ వార్తలు

ఏందే ఏందే అంటూ సాగుతున్న ఈ పాట ఆకట్టుకుంటోంది. రొమాంటిక్ మెలోడీగా రూపొందించిన ఈ సాంగ్ శ్రోతలను అలరిస్తోంది. హిప్ హాప్ తమిళ ఈ పాటకు కంపోజ్ చేయగా.. ఆస్కార్ విజేత చంద్రబోస్ రాసిన సాహిత్యం ప్రత్యేక ఆకర్షణగా నిలిచింది. తెలంగాణ నుడికారం ఉట్టిపడేటట్లు రాసిన పదాలు అద్భుతమైన సొగసును తీసుకొచ్చాయి. సంజిత హెగ్డే, హిప్ హాప్ తమిళ కలిసి ఈ పాటను ఆలపించారు.

ఈ సాంగ్‌లో అఖిల్ చాలా స్టైలిష్‌గా కనిపించగా.. హీరోయిన్ సాక్షి వైద్య ఆకర్షణీయంగా ఉంది. వీరిద్దరి కెమిస్ట్రీ అదిరిపోయింది. విదేశాల్లో ఈ సాంగ్‌ను చిత్రీకరించారు. అఖిల్ ఇంతకుముందెన్నడు చూడని గెటప్పులో అదరగొట్టాడు. ఈ సినిమాను వేసవి కానుకగా ఏప్రిల్ 28న విడుదల చేయనున్నారు మేకర్స్. ఇప్పటికే సినిమాకు సంబంధించిన ప్రమోషన్స్‌ను కూడా ప్రారంభించారు.

ఏకే ఎంటర్‌టైన్మెంట్స్ పతాకంపై అనిల్ సుంకర ఈ సినిమాను నిర్మిస్తున్నారు. వక్కంతం వంశీ కథను అందిస్తున్నారు. సాక్షి వైద్య ఈ చిత్రంలో హీరోయిన్‌గా నటిస్తోంది. ధ్రువ సినిమాకు అదిరిపోయే మ్యూజిక్ ఇచ్చిన హిప్ హాప్ తమిళన్ ఈ చిత్రానికి సంగీతాన్ని సమకూరుస్తున్నారు. సురేందర్ రెడ్డి దర్శకత్వం వహిస్తున్నారు. తెలుగుతో పాటు తమిళం, హిందీ, కన్నడ, మలయాళ భాషల్లోనూ విడుదల కానుంది. అఖిల్ కెరీర్‌లో ఇదే తొలి పాన్ ఇండియన్ చిత్రం.

WhatsApp channel

టాపిక్

హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే బిగ్‌బాస్ 7 తెలుగు, ఓటీటీ తాజా అప్‌డేట్స్ పొందండి.