Oppenheimer OTT Release Date: ఓటీటీలోకి క్రిస్టోఫ‌ర్ నోల‌న్ ఓపెన్‌హైమ‌ర్ - స్ట్రీమింగ్ డేట్ ఇదే

Oppenheimer OTT Release Date: క్రిస్టోఫ‌ర్ నోల‌న్ లేటెస్ట్ బ్లాక్‌బ‌స్ట‌ర్ హాలీవుడ్ మూవీ ఓపెన్ హైమ‌ర్ ఓటీటీలోకి వ‌చ్చేస్తోంది. న‌వంబ‌ర్ 21 నుంచి అమెజాన్ ప్రైమ్ ఓటీటీలో ఈ మూవీ స్ట్రీమింగ్ కానుంది. ఓటీటీ రిలీజ్‌కు మ‌రో ప‌ది రోజులు ఉండ‌గానే ఈ సినిమా ఆన్‌లైన్‌లో లీకైంది. గురువారం ఎచ్‌డీ వెర్ష‌న్ ఆన్ లైన్ లో ద‌ర్శ‌న‌మివ్వ‌డం హాట్‌టాపిక్‌గా మారింది.

జూలై 21న థియేట‌ర్ల‌లో విడుద‌లైన బ‌యోగ్రాఫిక‌ల్ థ్రిల్ల‌ర్ మూవీ 900 మిలియ‌న్ల‌కుపైగా క‌లెక్ష‌న్స్ రాబ‌ట్టింది. ఈ ఏడాది హాలీవుడ్‌లో మూడో హ‌య్యెస్ట్ గ్రాసింగ్ మూవీగా రికార్డ్ క్రియేట్ చేసింది.

అణుబాంబును క‌నిపెట్టిన సైంటిస్ట్ ఓపెన్‌హైమ‌ర్ జీవితం ఆధారంగా క్రిస్టోఫ‌ర్ నోల‌న్ ఓపెన్ హైమర్ మూవీని తెర‌కెక్కించాడు. అణుబాంబును క‌నిపెట్ట‌డంలో ఓపెన్‌హైప‌ర్ ఎదుర్కొన్న సంఘ‌ర్ష‌ణ‌, అత‌డికి ఎదురైన రాజ‌కీయ ఒత్తిడుల‌ను ఈ సినిమాలో అర్థ‌వంతంగా చూపించారు క్రిస్టోఫ‌ర్ నోల‌న్‌.

అణుబాంబు క‌నిపెట్టిన ఓపెన్‌హైమ‌ర్ త‌న‌ను తాను ప్ర‌పంచ వినాశ‌కారిగా భావిస్తూ ప‌డిన మ‌నోవేద‌న‌ను సినిమాలో చూపించిన క్రిస్టోఫ‌ర్ నోల‌న్ ఆవిష్క‌రించిన తీరుకు ప్ర‌శంస‌లు ద‌క్కాయి. ఓపెన్ హైమ‌ర్ సినిమాలో సిలియ‌న్ మ‌ర్ఫీ, రాబ‌ర్ట్ డౌనీ జూనియ‌ర్‌, మాట్ డామ‌న్ కీల‌క పాత్ర‌లు పోషించారు.