నరేష్‌కు భలే ఛాన్స్.. ఇక ఆనందితో అల్లరి

‘నాంది’ సినిమాతో గత ఏడాది కమర్షియల్ సక్సెస్ ను అందుకున్నారు అల్లరి నరేష్. అండర్ ట్రయల్ ఖైదీలు ఎదుర్కొంటున్న సమస్యలను ఆవిష్కరిస్తూ దర్శకుడు విజయ్ కనకమేడల తెరకెక్కించిన ఈ సినిమాలో నరేష్ నటనకు విమర్శకుల ప్రశంసలు దక్కాయి. కొంత కాలంగా కామెడీ కథాంశాలకు దూరంగా ఉంటూ ప్రయోగాలపై దృష్టి పెడుతున్న అల్లరి నరేష్ కొత్త సినిమా మంగళవారం హైదరాబాద్ పూజా కార్యక్రమాలతో మొదలైంది. 

ఈ చిత్రానికి ఏ.ఆర్ మోహన్ సంగీత దర్శకుడిగా వహిస్తున్నారు. జీ స్టూడియోస్ సమర్పణలో రాజేష్ దండ నిర్మిస్తున్నారు. ‘జాంబీరెడ్డి’, ‘శ్రీదేవి సోడా సెంటర్’ చిత్రాలతో ప్రేక్షకుల్ని మెప్పించిన తెలుగమ్మాయి ఆనంది ఈ సినిమాలో కథానాయికగా నటిస్తున్నది. రెగ్యులర్ కమర్షియల్ ఫార్ములాకు భిన్నంగా సాగే ఈ చిత్రంలో హీరో నరేష్ పాత్ర కొత్తగా ఉంటుందని చిత్రబృందం చెబుతోంది. త్వరలో ఈ సినిమా రెగ్యులర్ షూటింగ్ ప్రారంభంకానుంది. వెన్నెల కిషోర్, చమ్మక్ చంద్ర ప్రధాన పాత్రల్లో నటిస్తున్న ఈ చిత్రానికి శ్రీ చరణ్ పాకాల సంగీతాన్ని అందిస్తున్నారు. అబ్బూరి రవి సంభాషణలు సమకూర్చుతున్నారు.