Oukitel C35 : మార్కెట్​లోకి నయా స్మార్ట్​ఫోన్​.. ఓకిటెల్​ సీ35 ఫీచర్స్​ ఇవే!

Oukitel C35 : అంతర్జాతీయ మార్కెట్​లో తాజాగా ఓ కొత్త స్మార్ట్​ఫోన్​ను లాంచ్​ చేసింది ఓకిటెల్​ సంస్థ. దీని పేరు ఓకిటెల్​ సీ35. ఇదొక బడ్జెట్​ ఫ్రెండ్లీ గ్యాడ్జెట్​గా గుర్తింపు తెచ్చుకుంటోంది. ఈ నేపథ్యంలో ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

కొత్త స్మార్ట్​ఫోన్​ ఎలా ఉందంటే..!

ఓకిటెల్​ సీ35 బరువు కేవలం 199 గ్రాములు. ఇందులో 6.56 ఇంచ్​ డిస్​ప్లే ఉంటుంది. ఆండ్రాయిడ్​ 13 సాఫ్ట్​వేర్​పై ఇది పనిచేస్తుంది. ఈ డివైజ్​లో ఆక్టా-కోర్​ యూనీఎస్​ఓసీ టైగర్​ టీ616 ప్రాసెసర్​ ఉంటుంది. 12జీబీ ర్యామ్​- 256జీబీ స్టోరేజ్​ వేరియంట్​ లభిస్తోంది. ర్యామ్​ను 24జీబీ వరకు, స్టోరేజ్​ను 1టీబీ వరకు కూడా ఎక్స్​పాండ్​ చేసుకోవచ్చు. ఫలితంగా.. ఫొటోలు, వీడియోలు, డాక్యుమెంట్స్​ను స్టోర్​ చేసుకునేందుకు చాలా స్పేస్​ లభిస్తున్నట్టే!

Oukitel C35 features : ఈ స్మార్ట్​ఫోన్​ బ్యాటరీ హైలైట్​ అని చెప్పుకోవాలి. ఇందులో 5,150ఎంఏహెచ్​ బ్యాటరీ ఉంటుంది. ఒక్కసారి ఛార్జ్​ చేసి స్టాండ్​బై మోడ్​లో పెడితే.. ఈ ఓకిటెల్​ సీ35.. 280 గంటల పాటు పనిచేస్తుందని సంస్థ చెబుతోంది. తమ ఫోన్​లో యూజర్​ ఎక్స్​పీరియన్స్​ బాగుంటుందని అంటోంది. మ్యూజిక్​ వినడం, గేమింగ్​, వెబ్​ బ్రౌజింగ్​కు ది బెస్ట్​గా నిలుస్తుందని ఆశాభావం వ్యక్తం చేస్తోంది.

ఇదీ చూడండి:- iPhone 15 price: ఐ ఫోన్ 15 ధర ఎంత ఉండబోతోందో తెలుసా? ఇండస్ట్రీ అంచనా ఇదే..

ఇక కెమెరా విషయానికొస్తే.. ఈ ఓకిటెల్​ సీ35 రేర్​లో 50ఎంపీ డ్యూయెల్​ కెమెరా సెటప్​ ఉంటుంది. సెల్ఫీ, వీడియో కాల్స్​ కోసం ఫ్రెంట్​లో 8ఎంపీ కెమెరా వస్తోంది.

ఈ స్మార్ట్​ఫోన్​ ధర ఎంత..?

Oukitel C35 price details : అయితే.. ఈ ఓకిటెల్​ సీ35 ప్రస్తుతం అమెరికా మార్కెట్​కే పరిమితమైంది. దీని ధర 199 డాలర్లు. ఇండియన్​ కరెన్సీలో అది సుమారు రూ. 16,500.

ఓకిటెల్​కు ఇప్పటికే సీ8, కే9తో పాటు ఇతర స్మార్ట్​ఫోన్స్​ మార్కెట్​లో అందుబాటులో ఉన్నాయి. వీటిల్లో చాలా వరకు బడ్జెట్​ ఫ్రెండ్లీ డివైజ్​లో ఉంటాయి.