Hyundai Creta EV: హ్యుందాయ్ క్రెటా ఈవీ లాంచ్ డేట్ వచ్చేసింది.. ఎప్పుడంటే..?

Hyundai Creta EV launch date: హ్యుందాయ్ మోటార్ ఇండియా కొత్త సంవత్సరాన్ని ఘనంగా ప్రారంభించడానికి సన్నద్ధమవుతోంది. జనవరి 17, 2024 న అంతా అత్యంత ఆసక్తిగా ఎదురుచూస్తున్న క్రెటా ఈవీని లాంచ్ చేయనుంది. భారత్ మొబిలిటీ షో 2025 మొదటి రోజున ఈ ఎస్యూవీ లాంచ్ ఉంటుంది. కొత్త హ్యుందాయ్ క్రెటా ఈవీ టాటా కర్వ్ ఈవీ, మహీంద్రా బీఈ 6, ఎంజీ జడ్ఎస్ ఈవీ, బీవైడీ అటో 3 వంటి వాటితో పోటీ పడుతుంది.

హ్యుందాయ్ క్రెటా ఈవీ ప్రత్యేకతలు

హ్యుందాయ్ క్రెటా.. హ్యుందాయ్ బెస్ట్ సెల్లర్లలో ఒకటి. ఈ బ్రాండ్ పేరుతో ఎలక్ట్రిక్ వెర్షన్ కాంపాక్ట్ ఎస్ యూవీ ని త్వరలో మార్కెట్లోకి తీసుకువస్తున్నారు. రాబోయే క్రెటా ఈవీ (electric cars) ఐసిఇ (ఇంటర్నల్ కంబషన్ ఇంజిన్) కు దగ్గరగా ఉంటుంది. కానీ క్రెటా ఎన్-లైన్ మాదిరిగానే ఈ మోడల్ కు దాని స్వంత గుర్తింపును ఇచ్చే విభిన్న స్టైలింగ్ ఉంటుంది. క్రెటా ఈవీ కొత్త గ్రిల్, రివైజ్డ్ బంపర్ డిజైన్, విభిన్న అల్లాయ్ వీల్స్ తో వస్తోంది.

క్రెటా ఈవీ ఇంటీరియర్స్

క్రెటా ఈవీ ఇంటీరియర్స్ విషయానికి వస్తే, క్యాబిన్ లో కొత్త స్టీరింగ్ వీల్, డ్రైవ్ సెలెక్టర్, రివైజ్డ్ సెంటర్ కన్సోల్ తో సహా అనేక మార్పులు ఉంటాయి. ఎలక్ట్రానిక్ పార్కింగ్ బ్రేక్, కూల్డ్ సీట్లు, ఆటో హోల్డ్ ఫంక్షన్, 360 డిగ్రీల కెమెరా తదితర ఫీచర్లు ఇందులో ఉండనున్నాయి. హ్యుందాయ్ ఇటీవల విడుదల చేసిన అల్కాజార్ ఫేస్ లిఫ్ట్ నుండి తీసుకున్న కొత్త ఆటో క్లైమేట్ కంట్రోల్ ఫంక్షన్ ను కూడా ఉంటుందని భావిస్తున్నారు. ఇతర ఫీచర్లలో డిజిటల్ కన్సోల్, ఇన్ఫోటైన్మెంట్ సిస్టమ్ కోసం డ్యూయల్ స్క్రీన్ సెటప్ ఉంటుందని తెలుస్తోంది.

హ్యుందాయ్ క్రెటా ఈవీ స్పెసిఫికేషన్లు

హ్యుందాయ్ క్రెటా ఈవీ స్పెసిఫికేషన్లపై ఇప్పటివరకు ఎటువంటి సమాచారం లేదు. కానీ ఈ ఎలక్ట్రిక్ ఎస్యూవీ లో 45-50 కిలోవాట్ల బ్యాటరీ ప్యాక్ ఉంటుందని భావిస్తున్నారు. అంతకన్నా పెద్ద బ్యాటరీ ప్యాక్ కూడా ఉండవచ్చు. ఒక్కసారి ఛార్జ్ చేస్తే సుమారు 400 కిలోమీటర్ల పరిధిని ఇచ్చేలా బ్యాటరీ ప్యాక్ ఉంటుందని సమాచారం. ఇతర ప్రత్యర్థుల (electric cars in india) మాదిరిగానే ముందు యాక్సిల్ లో అమర్చిన సింగిల్ మోటార్ నుండి పవర్ వస్తుందని భావిస్తున్నారు.

హ్యుందాయ్ క్రెటా ఈవీ ప్రత్యర్థులు

గతంలో హ్యుందాయ్ (hyundai cars) కోనా అనే ఎలక్ట్రిక్ కారును మార్కెట్లో ప్రవేశపెట్టింది. కానీ, ప్రస్తుతం ఆ కారును భారత్ లో విక్రయించడం లేదు. కాగా, క్రెటా ఈవీని భారత్ లోనే ప్రొడ్యూస్ చేస్తున్నారు. అందువల్ల, క్రెటా ఈవీ ధర సెగ్మెంట్ లోని ఇతర ప్రత్యర్థి కార్లతో పోలిస్తే, తక్కువగానే ఉండవచ్చని భావిస్తున్నారు. మారుతి సుజుకి (maruti suzuki) కూడా జనవరిలో భారత్ మొబిలిటీలో ఇ విటారా ఎలక్ట్రిక్ ఎస్ యూవీని లాంచ్ చేస్తోంది. టయోటా ఇటీవల ఆవిష్కరించిన అర్బన్ క్రూయిజర్ ఈవీని ఈ ఏడాది చివర్లో మార్కెట్లోకి తీసుకురావచ్చు. కొత్త క్రెటా ఈవీ కి సంబంధించిన మరిన్ని వివరాలు వచ్చే నెలలో అందుబాటులోకి రానున్నాయి.