Ather Rizta : ఏథర్​ కొత్త ఎలక్ట్రిక్​ స్కూటర్​ బుకింగ్స్​ షురూ- రిజ్టా లాంచ్​ ఎప్పుడంటే..-ather rizta pre bookings open will launch on 6th april ,బిజినెస్ న్యూస్
తెలుగు న్యూస్  /  Business  /  Ather Rizta Pre-bookings Open, Will Launch On 6th April

Ather Rizta : ఏథర్​ కొత్త ఎలక్ట్రిక్​ స్కూటర్​ బుకింగ్స్​ షురూ- రిజ్టా లాంచ్​ ఎప్పుడంటే..

Sharath Chitturi HT Telugu
Mar 30, 2024 01:12 PM IST

Ather Rizta scooter : ఏథర్​ రిజ్టా ఎలక్ట్రిక్​ స్కూటర్​పై కీలక అప్డేట్​. ఈ మోడల్​ బుకింగ్స్​ ఓపెన్​ అయ్యాయి. పూర్తి వివరాలను ఇక్కడ తెలుసుకోండి..

ఇదిగో ఏథర్​ రిజ్టా.. లాంచ్​ ఎప్పుడంటే!
ఇదిగో ఏథర్​ రిజ్టా.. లాంచ్​ ఎప్పుడంటే!

Ather Rizta electric scooter : ఏథర్ ఎనర్జీ నుంచి సరికొత్త ఎలక్ట్రిక్​ స్కూటర్​ లాంచ్​కు రెడీ అవుతోంది. దీని పేరు ఏథర్​ రిజ్టా. ఇదొక ఫ్యామిలీ ఈ-స్కూటర్​. ఏప్రిల్​ 5న.. ఈ స్కూటర్​ని లాంచ్​ చేయనుంది ఏథర్​ సంస్థ. ఇక ఈ వెహికిల్​ ప్రీ-బుకింగ్స్​ని ఇటీవలే ప్రారంభించింది సంస్థ. రూ. 999 టోకెన్​ అమౌంట్​తో సంస్థ అధికారిక వెబ్​సైట్​లో ఈ వెహికిల్​ని బుక్​ చేసుకోవచ్చు.

ట్రెండింగ్ వార్తలు

ఏథర్​ రిజ్టా.. వచ్చేస్తోంది!

ఏథర్ రిజ్టా గురించి ఇప్పటికే కొన్ని విషయాలను టీజ్ చేసింది సంస్థ. ఇది.. సెగ్మెంట్​లోనే అతిపెద్ద సీటుతో వస్తుంది. డ్రైవర్​కు ఇన్​స్ట్రుమెంట్ క్లస్టర్​గా ఉపయోగపడే టచ్​స్క్రీన్​ని ఇందులో అందిస్తోంది సంస్థ. ఇది గూగుల్ మ్యాప్స్, బ్రాండ్, యూజర్ ఇంటర్ఫేస్ అయిన ఏథర్ స్టాక్​కి సంబంధించిన సరికొత్త వెర్షన్​తో వస్తుంది. వీటితో పాటు ఓటీఏ అప్​డేట్స్ కూడా ఉంటాయని అంచనాలు ఉన్నాయి. ఏథర్ రిజ్టా కోసం ఆల్-ఎల్ఈడి లైటింగ్​ని సంస్థ అందిస్తుంది. వరద ప్రాంతాల్లో కూడా ఈ ఎలక్ట్రిక్​ స్కూటర్​ సమర్థవంతంగా, సురక్షితంగా ప్రయాణిస్తుందని ఇటీవలే సంస్థ చెప్పుకొచ్చింది.

ఏథర్ రిజ్టా టెస్ట్ మ్యూల్​ని చూస్తే.. ఇందులో టెలిస్కోపిక్ ఫ్రంట్ ఫోర్క్, వైడ్ ఫ్రంట్ టైర్, వెడల్పాటి రియర్ వ్యూ మిర్రర్లు వంటి కీలక ఫీచర్స్​ కనిపిస్తున్నాయి. గతంలో విడుదలైన టీజర్​ ద్వారా.. బ్యాటరీ స్ట్రెన్త్​ని ప్రదర్శించింది ఏథర్​ సంస్థ. బ్యాటరీని 40 అడుగుల ఎత్తు నుంచి డ్రాప్​ చేసింది. కానీ ఏం అవ్వలేదు! ఇది దాని మన్నికను హైలైట్ చేస్తుంది. రిజ్టా అనేక సెగ్మెంట్-ఫస్ట్ ఫీచర్లను ప్రవేశపెడుతుందని అంచనాలు ఉన్నాయి. అయితే ఈ ఏథర్​ రిజ్టా ఎలక్ట్రిక్​ స్కూటర్​పై మరిన్ని వివరాలు తెలియాల్సి ఉంది.

Ather Rizta price : ఏథర్​ 450 సిరీస్ కంటే పెద్దదైన సరికొత్త ప్లాట్​ఫామ్​పై ఏథర్ రిజ్టాను నిర్మిస్తోంది సంస్థ. రిజ్టా సైజ్​ కూడా పెద్దగానే ఉండనుంది. ఈ స్కూటర్​లో ట్రెడీషనల్​ కీ కూడా ఉంటుంది.

ఏథర్ ఎనర్జీ సీఈఓ తరుణ్ మెహతా గతంలో చేసిని ఓ పోస్ట్​లో.. “రిజ్టాతో మేము సౌకర్యం, భద్రతలో ముందడుగు వేస్తాము. మా టీమ్స్​ కొంతకాలంగా దీనిపై పనిచేస్తున్నాయి (ఇది 2019 నుంచి ఈ స్కూటర్​ గురించి ప్లాన్​ చేస్తున్నాము.) పరిశ్రమ-మొదటి, మీ రైడ్ అనుభవాన్ని మరింత మెరుగ్గా చేసే కొన్ని అద్భుతమైన ఇంటిగ్రేషన్​లను రూపొందించాము. ఎథర్ ఇతర ఉత్పత్తులు ప్రసిద్ధి చెందిన అదే నాణ్యత, విశ్వసనీయతను రిజ్టా కూడా కొనసాగిస్తున్నాము,” అని చెప్పుకొచ్చారు.

Ather Rizta electric scooter launch : ఈ ఏథర్​ రిజ్టా ఫ్యామిలీ ఎలక్ట్రిక్​ స్కూటర్​పై అంచనాలు భారీగానే ఉన్నాయి. ఈ మోడల్​ ధరతో పాటు ఇతర వివరాలు తెలియాల్సి ఉంది. లాంచ్​ టైమ్​కి వీటిపై ఓ క్లారిటీ వస్తుందని మార్కెట్​ వర్గాలు భావిస్తున్నాయి.

WhatsApp channel

సంబంధిత కథనం