Bullet 350 : 2023 రాయల్​ ఎన్​ఫీల్డ్​ బుల్లెట్​ 350 వచ్చేస్తోంది.. లాంచ్​ డేట్​ ఇదే!

2023 Royal Enfield Bullet 350 : 2023 రాయల్​ ఎన్​ఫీల్డ్​ బుల్లెట్ 350 కోసం బైక్​ ప్రియులు ఎంతగానో ఎదురుచూస్తున్నారు. వారికి గుడ్​ న్యూస్​ చెప్పింది దిగ్గజ ఆటోమొబైల్​ సంస్థ. ఈ ఏడాది ఆగస్టు 30న ఈ మోడల్​ను లాంచ్​ చేయనున్నట్టు ప్రకటించింది.

ఈ బైక్​.. చాలా ప్రత్యేకం!

రాయల్​ ఎన్​ఫీల్డ్​ పోర్ట్​ఫోలియోలో బుల్లెట్​కు ప్రత్యేక ఫ్యాన్​బేస్​ ఉంటుంది. 1931లో తొలిసారిగా ఇది మార్కెట్​లోకి అడుగుపెట్టింది. అప్పటి నుంచి అనేక మోడల్స్​, కస్టమర్లను ఆకర్షించాయి.

ఇక త్వరలో లాంచ్​ కానున్న 2023 బుల్లెట్​ 350 డిజైన్​, పాత మోడల్​నే పోలి ఉండొచ్చు. కానీ.. స్వల్ప మాల్పులు జరిగే ఆస్కారం ఉంది. ఇందులో టియర్​డ్రాప్​ షేప్​ ఫ్యూయెల్​ ట్యాంక్​, మెటాలిక్​ బ్యాడ్జ్​, సర్క్యులర్​ హెడ్​ల్యాంప్​, సిగ్నేచర్​ టైగర్​ ఐ పైలట్​ ల్యాంప్స్​, వైడ్​ హ్యాండిల్​బార్​, స్టెప్​డ్​ ఆప్​ సీట్​, ఇంటిగ్రేటెడ్​ ట్యూబ్యులర్​ గ్రాబ్​ రెయిల్​ వంటివి వస్తున్నాయి. ఇందులో వైర్​ స్పోక్​ వీల్స్​ ఉంటాయి.

ఇక ఈ బైక్​లో 349సీసీ, ఎయిర్​ కూల్డ్​, సింగిల్​ సిలిండర్​, జే సిరీస్​ ఇంజిన్​ ఉంటుంది. మరో బెస్ట్​ సెల్లింగ్​ మోడల్​ రాయల్​ ఎన్​ఫీల్డ్​ క్లాసిక్​ 350లోనూ ఇదే ఇంజిన్​ ఉంటుంది. ఇది 20 హెచ్​పీ పవర్​ను, 28 ఎన్​ఎం టార్క్​ను జనరేట్​ చేస్తుంది. 5 స్పీడ్​ గేర్​బాక్స్​ దీని సొంతం. సేఫ్టీ కోసం ఫ్రెంట్​- రేర్​లో డిస్క్​ బ్రేక్స్​ వస్తున్నాయి. డ్యూయెల్​ ఛానెల్​ ఏబీఎస్​ కూడా లభిస్తోంది.

ఇదీ చూడండి:- Harley Davidson X440 vs Royal Enfield Himalayan : ఈ రెండు బైక్స్​లో ఏది బెస్ట్​?

ఈ మోడల్​ ధర ఎంత ఉంటుంది..?

2023 Royal Enfield Bullet 350 launch : 2023 బుల్లెట్​ 350 ధరకు సంబంధించిన వివరాలు ప్రస్తుతం అందుబాటులో లేవు. లాంచ్​ టైమ్​కి ఓ క్లారిటీ వస్తుంది. అయితే.. 2022 మోడల్​ ప్రారంభ ఎక్స్​షోరూం ధర రూ. 1.6లక్షలుగా ఉంది. కొత్త మోడల్​ దీని కన్నా ఇంకాస్త ఎక్కువ ఉండొచ్చు!

హార్లీ డేవిడ్​సన్​ ఎక్స్​440కి ధీటుగా..!

హార్లీ డేవిడ్​సన్​ ఎక్స్​440, ట్రయంఫ్​ స్క్రాంబ్లర్​ 400 ఎక్స్​ బైక్స్..​ గత కొన్ని రోజులుగా ఇండియా ఆటోమొబైల్​ మార్కెట్​లో హాట్​ టాపిక్​గా మారాయి. వీటితో రాయల్​ ఎన్​ఫీల్డ్​ బిజినెస్​కు ముప్పు పొంచి ఉందని నిపుణులు అభిప్రాయపడుతున్నారు. ఈ నేపథ్యంలో వీటికి చెక్​ పెట్టేందుకు, సరికొత్త బైక్​ను రాయల్​ ఎన్​ఫీల్డ్​ సంస్థ తయారు చేస్తున్నట్టు తెలుస్తోంది. ఈ బైక్​ పేరు 'రాయల్​ ఎన్​ఫీల్డ్​ స్క్రామ్​ 440'. పూర్తి వివరాల కోసం ఇక్కడ క్లిక్​ చేయండి.