America Russia sanctions | ఉక్రెయిన్తో యుద్ధం నేపథ్యంలో రష్యాపై మరోమారు విరుచుకుపడింది అమెరికా. రష్యాలోని బ్యాంకులతో పాటు పుతిన్ కుటుంబసభ్యులపై ఆంక్షల వర్షాని కురిపించింది. ఉక్రెయిన్పై రష్యా పాల్పడుతున్న అరాచకాలకు ఇది ప్రతీకారమని అమెరికా అధ్యక్షుడు జో బైడెన్ వివరించారు.

రష్యాలోనే అతిపెద్ద బ్యాంక్ అయిన స్బేర్బ్యాంక్పై అధికంగా ఆంక్షలు పడ్డాయి. దీనితో పాటు దేశంలోనే నాలుగో అతిపెద్ద ఆర్థిక సంస్థపైనా ఆంక్షల ప్రభావం పడింది. కాగా.. ఎనర్జీకి సంబంధించిన లావాదేవీలను మాత్రం ఆంక్షల నుంచి మినహాయింపునివ్వడం గమనార్హం. రష్యాకు ప్రధాన ఆదాయం ఆ ఎనర్జీ సెక్టర్ నుంచే అందుతోంది.

మరోవైపు పుతిన్ ఇద్దరు కుమార్తెలు, రష్యా విదేశాంగమంత్రి సర్గే లవ్రోవ్ భార్య, కుమార్తెపైనా ఆంక్షలు విధించింది అగ్రరాజ్యం. రష్యా భద్రతా మండలి సభ్యులు కూడా ఈ ఆంక్షల కిందకు వచ్చారు.

అదే సమయంలో రష్యాలో అమెరికన్ల పెట్టుబడులను నిషేధిస్తూ రూపొందించిన ఎగ్జిక్యూటివ్ ఆర్డర్లపైనా బైడెన్ సంతకం చేశారు. తద్వారా.. అంతర్జాతీయ వ్యవస్థ నుంచి రష్యా ఏకాకిగా మిగిలిపోతుందని అమెరికా పేర్కొంది. మర్జర్లు, వెంచర్ క్యాపిటళ్లలో కూడా పెట్టుబడులు పెట్టకూడదని ఆ ఆదేశాల్లో ఉన్నట్టు స్పష్టం చేసింది.