Boss ladies: ఈ రాశుల అమ్మాయిలు ఒకరి కింద పని చేసేందుకు అసలు ఇష్టపడరు-girls of this zodiac sign do not really like to work under one another ,రాశి ఫలాలు న్యూస్
తెలుగు న్యూస్  /  రాశి ఫలాలు  /  Boss Ladies: ఈ రాశుల అమ్మాయిలు ఒకరి కింద పని చేసేందుకు అసలు ఇష్టపడరు

Boss ladies: ఈ రాశుల అమ్మాయిలు ఒకరి కింద పని చేసేందుకు అసలు ఇష్టపడరు

Gunti Soundarya HT Telugu
Jul 11, 2024 08:07 AM IST

Boss ladies: జ్యోతిష్య శాస్త్రం ప్రకారం కొన్ని రాశుల అమ్మాయిలు స్వతహాగా తమకంటూ గుర్తింపు తెచ్చుకుంటారు. ఒకరి కింద పని చేసేందుకు అసలు ఇష్టపడరు. బాస్ లీడర్ షిప్ క్వాలిటీస్ చాలా ఎక్కువగా ఉంటాయి.

ఒకరికింద పని చేసేందుకు అసలు ఇష్టపడని రాశుల అమ్మాయిలు వీళ్ళే
ఒకరికింద పని చేసేందుకు అసలు ఇష్టపడని రాశుల అమ్మాయిలు వీళ్ళే (pixabay)

Boss ladies: జ్యోతిష్య శాస్త్రంలో 12 రాశులు ఉన్నాయి. ప్రతి రాశుల స్వభావం మారుతూ ఉంటుంది. ఎందుకంటే ఈ రాశులకు అధిపతులు భిన్నంగా ఉంటారు. ఇది వారి స్వభావం, గుణగణాలు, వ్యక్తిత్వంపై ప్రభావం చూపిస్తుంది. ఒక రాశికి చెందిన వ్యక్తులు ఇతర రాశుల వారి నుంచి భిన్నమైన లక్షణాలు కలిగి ఉంటారు.

కొన్ని రాశుల అమ్మాయిలు అత్యుత్తమ నాయకత్వ లక్షణాలు, సామర్ధ్యాలు కలిగి ఉంటారు. వారు తమ రంగాలలో ఉన్నత స్థానాలను అధిరోహిస్తారు. బాస్ గా మారి ఇతరులతో పని చేయించుకుంటారు. అటువంటి రాశుల అమ్మాయిలు చిన్న వయసులోనే ఉన్నత స్థానాన్ని పొందగలుగుతారు. వారి కలలు త్వరగా నెరవేర్చుకుంటారు. అవి ఏ రాశిలో తెలుసుకుందాం.

మేష రాశి

మేష రాశిలో జన్మించిన అమ్మాయిలు ధైర్యంగా, ఆకర్షణీయంగా, శక్తివంతంగా ఉంటారని జ్యోతిష్య శాస్త్రం చెబుతుంది. అలాగే వీళ్ళు పూర్తి ఆత్మవిశ్వాసంతో నిండి ఉంటారు. ధైర్యంగా ఏ పనైనా చేస్తారు. ఉన్నత స్థానాలు అధిరోహించేందుకు ఎవరు సహాయము తీసుకోకుండా విశ్వాసంతో పనిలో అద్భుత విజయాలు సాధిస్తారు. కానీ చాలా చికాకుగా ఉంటారు. కొద్దిగా కన్ఫ్యూషన్ కూడా ఉంటుంది. ఒకరి కింద పని చేయడానికి అసలు ఇష్టపడరు. సొంతంగా తమ కాళ్ళ మీద నిలబడేందుకు ఇష్టపడతారు. కుటుంబం అంటే చాలా ప్రేమ. ఈ రాశికి అంగారకుడు అధిపతి. అందుకే కొన్ని సమయాల్లో కఠినమైన నిర్ణయాలు కూడా తీసుకోగలుగుతారు. అలాగే వాటికి కట్టుబడి ఉంటారు. ఇతరులను త్వరగా విశ్వసించరు. తమపై ఆధిపత్యం చెలాయించే వ్యక్తులను అసలు ఇష్టపడరు.

మిథున రాశి

ఈ రాశిలో జన్మించిన అమ్మాయిలు అద్భుతమైన, బలమైన నాయకత్వ లక్షణాలు కలిగి ఉంటారు. వీరికి చాలా ఓపిక ఎక్కువ. కష్టపడి డబ్బు సంపాదించేందుకు నిరంతరం ఆలోచిస్తూనే ఉంటారు. కొత్త విషయాలు నేర్చుకోవాలనే ఆసక్తి ఎక్కువగా ఉంటుంది. బయటికి మృదువుగా కనిపించినా లోపల మాత్రం చాలా ధృడంగా ఉంటారు. చాలా తెలివిగా మాట్లాడతారు. ఎవరితో ఎక్కడ ఎలా మాట్లాడాలి? ఎవరితో వ్యక్తిగత సమాచారాన్ని పంచుకోవాలనే విషయం మీద అద్భుతమైన అవగాహన ఉంటుంది. డబ్బుకు అధిక విలువ ఇస్తారు. ఈ రాశికి బుధుడు అధిపతి. దీని ప్రభావం కారణంగా జ్ఞానం ఎక్కువగా ఉంటుంది. నైపుణ్య సామర్థ్యాలు ఎక్కవే. కార్యాలయంలో వీరి పనితీరుతో ఎప్పుడు ప్రశంసలు అందుకుంటారు. పనికి ఎక్కువగా ప్రాధాన్యత ఇస్తారు. అలాగే భావోద్వేగాలను పట్టించుకుంటారు. ఈ రాశి అమ్మాయిలతో పోటీ పడి పని చేయడం చాలా కష్టం.

సింహ రాశి

సింహ రాశి అమ్మాయిలు చాలా తెలివైన వాళ్ళు. ప్రతి పనిని హృదయపూర్వకంగా చేస్తారు. చేయాలనుకున్న పనిని ఎంత కష్టమైనా కూడా పూర్తి చేస్తారు. వారిపై వారికి ఉన్న నమ్మకమే వారి బలం. క్లిష్ట పరిస్థితుల్లో కూడా పట్టుదలతో లక్ష్యాలు నెరవేర్చుకుంటారు. ఇతర వ్యక్తులతో ఎలా పనులు చేయించుకోవాలో వీళ్ళకి బాగా తెలుసు. ఈ రాశికి అధిపతి సూర్యుడు. అందుకే వీరు ముఖంలో నిరంతరం ఒక వెలుగు ఉంటుంది. ఈ రాశి స్త్రీలు తమకు సన్నిహితంగా ఉండే వారి పట్ల చాలా ఆప్యాయత కలిగి ఉంటారు. ఏ విషయంలోనూ వెనుకడుగు వేయరు. బహిరంగంగా మాట్లాడేటప్పుడు అసలు తడబడరు.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.

WhatsApp channel