Curry Leaves: కూరలో కరివేపాకులు ఎందుకు వేయాలి? ఈ విషయాలు తెలిస్తే రోజూ కరివేపాకులు తింటారు

కరివేపాకులు ప్రతిరోజూ ఆహారంలో భాగం చేసుకోవడం వల్ల ఎన్నో పోషకాలు శరీరానికి అందుతాయి.  ఇందులో విటమిన్ సి, ఫాస్పరస్, ఐరన్, క్యాల్షియం,  యాంటీ ఆక్సిడెంట్స్ పుష్కలంగా ఉంటాయి. ప్రతిరోజూ ఉదయం కరివేపాకు తినడం వల్ల ఎన్నో ప్రయోజనాలు ఉన్నాయి.

కరివేపాకులను ప్రతిరోజూ ఉదయం గుప్పెకు తీసుకుని నోట్లో వేసుకుని నమిలేయాలి. ఇలా చేయడం వల్ల జీర్ణక్రియ మెరుగవుతుంది. పేగు కదలికలను చురుగ్గా మారుస్తుంది. మార్నింగ్ సిక్ నెస్ రాకుండా అడ్డుకుంటుంది. 

కరివేపాకులు తినేవారిలో జుట్టు అధికంగా పెరుగుతుంది. జుట్టు సమస్యలేవీ రాకుండా ఉంటాయి. బ్రేక్ ఫాస్ట్ తినడానికి ముందు అరగంట ముందు కరివేపాకులను నమిలి తినాలి. జుట్టు రాలడం తగ్గుతుంది. 

కరివేపాకులు తినడం వల్ల శరీరంలోని వ్యర్థాలు, విషాలు బయటికి పోతాయి. అంతేకాదు శరీరంలోని కొలెస్ట్రాల్ ను కూడా తగ్గిస్తుంది. శరీరాన్ని డిటాక్సిఫికేషన్ చేస్తుంది. మొటిమలు వంటివి రావడం కూడా తగ్గుతుంది. చర్మాన్ని మెరిపిస్తుంది. 

కరివేపాకులే కదా అని చులకనగా తీసిపడేయకండి. వీటిల్లో ఉండే పోషకాలు మనకు ఎంతో అవసరం అయినవి. కాబట్టి ప్రతి రోజూ వీటిని తినేందుకు ప్రయత్నించండి.