Horror Movies: ఈ వీక్ ఓటీటీలోకి వ‌చ్చిన థ్రిల్లింగ్‌ ట్విస్ట్‌ల‌తో వ‌ణికించే హాలీవుడ్ హార‌ర్ థ్రిల్ల‌ర్‌ మూవీస్ ఇవే!

హార‌ర్ థ్రిల్ల‌ర్ మూవీ ది వాచ‌ర్స్ అమెజాన్ ప్రైమ్‌తో పాటు బుక్‌మై షోలో శుక్ర‌వారం నుంచి స్ట్రీమింగ్ అవుతోంది. అడ‌విలో ఓ యువ‌తి ఎలా బందీగా మారింది?  ప్రాణాల‌ను కాపాడుకోవ‌డం కోసం వింత జీవుల‌తో ఎలాంటి పోరాటం చేసింది అన్న‌దే ఈ మూవీ క‌థ‌. 

ఫ్రెంచ్ మూవీ ది డీప్ డార్క్ బుక్ మై షో స్ట్రీమింగ్ యాప్ ద్వారా ఓటీటీ ఆడియెన్స్ ముందుకొచ్చింది. ఓ ప‌రిశోధ‌న నిమిత్తంచాలా ఏళ్లుగా మూత‌ప‌డిన గ‌నిలోకి వెళ్లిన కొంద‌రు సైంటిస్ట్‌ల‌కు అక్క‌డ ఎలాంటి అనూహ్య ప‌రిణామాలు ఎదుర‌య్యాయ‌న్న‌ది హార‌ర్ అంశాల‌తో భ‌య‌పెట్టేలా ద‌ర్శ‌కుడు ఈ మూవీలో చూపించాడు. 

సైకో థ్రిల్ల‌ర్ క‌థాంశంతో రూపొందిన గుడ్‌బై మూవీ ఊహించ‌ని ట్విస్ట్‌ల‌తో ఆడియెన్స్‌ను మెప్పించింది.  మాన‌సిక స‌మ‌స్య‌ల‌తో బాధ‌ప‌డే కిల్ల‌ర్ కార‌ణంగా ఓ ప్రేమ జంట ఎలా ప్ర‌మాదంలో ప‌డింద‌నే కాన్సెప్ట్‌తో రూపొందిన ఈ మూవీ బుక్ బై షో స్ట్రీమింగ్ యాప్ ద్వారా ఇటీవ‌లే విడుద‌లైంది. 

నికోల‌స్ కేజ్ హీరోగా న‌టించిన యాక్ష‌న్ థ్రిల్ల‌ర్ మూవీ ఆర్కాడియ‌న్ ల‌య‌న్స్ గేట్ ప్లే ఓటీటీలో రిలీజైంది. కొన్ని అదృశ్య శ‌క్తుల‌తో  తండ్రి, అత‌డి కొడుకులు సాగించిన యుద్ధం నేప‌థ్యంలో ఈ మూవీ తెర‌కెక్కింది. 

ఇటాలియ‌న్ మూవీ ది బోట్ క‌మ‌ర్షియ‌ల్‌గా పెద్ద విజ‌యాన్ని సాధించింది. బోట్‌లో టూర్‌కు వెళ్లిన ఓ జంట ఎలా ప్ర‌మాదంలో ప‌డ్డార‌నే పాయింట్‌తో ఈ మూవీ తెర‌కెక్కింది. ది బోట్ మూవీ అమెజాన్ ప్రైమ్‌లో రిలీజైంది.