LPG cylinder price: ఎల్పీజీ సిలిండర్ ధర తగ్గింపు.. హైదరాబాద్‌లో సిలిండర్ ధర ఎంత ఉండనుంది?
Mar 08, 2024, 09:22 AM , IST
- లోక్ సభ ఎన్నికలకు ముందు మహిళా దినోత్సవాన్ని పురస్కరించుకుని ప్రధాని నరేంద్ర మోదీ కీలక ప్రకటన చేశారు. 14.2 కిలోల బరువున్న దేశీయ వంటగ్యాస్ సిలిండర్ల ధరలను తగ్గిస్తున్నట్టు ప్రకటించారు.
- లోక్ సభ ఎన్నికలకు ముందు మహిళా దినోత్సవాన్ని పురస్కరించుకుని ప్రధాని నరేంద్ర మోదీ కీలక ప్రకటన చేశారు. 14.2 కిలోల బరువున్న దేశీయ వంటగ్యాస్ సిలిండర్ల ధరలను తగ్గిస్తున్నట్టు ప్రకటించారు.
(1 / 5)
ఎల్పీజీ సిలిండర్ల ధరలను తగ్గిస్తున్నట్లు ప్రధాని నరేంద్ర మోదీ ఈ ఉదయం సోషల్ మీడియా సందేశంలో ప్రకటించారు. సిలిండర్ ధరను రూ. 100 తగ్గిస్తామని చెప్పారు. దీని వల్ల కోట్లాది మంది లబ్ధి పొందుతారని ప్రధాని నరేంద్ర మోదీ ఆశాభావం వ్యక్తం చేశారు.
(2 / 5)
మహిళా దినోత్సవం సందర్భంగా ఎల్పీజీ సిలిండర్ ధరను రూ. 100 తగ్గిస్తూ ప్రభుత్వం నిర్ణయం తీసుకుంది. దీనివల్ల దేశవ్యాప్తంగా లక్షలాది కుటుంబాలపై ఆర్థిక భారం గణనీయంగా తగ్గుతుంది. ఈ నిర్ణయం ముఖ్యంగా మన దేశంలోని మహిళా శక్తికి ప్రయోజనం చేకూరుస్తుంది. '
(3 / 5)
'వంటగ్యాస్‌ను మరింత చౌకగా అందించడం ద్వారా దేశంలోని కుటుంబాల శ్రేయస్సును కోరుకుంటున్నాం. వారు మరింత ఆరోగ్యకరమైన వాతావరణంలో జీవించేలా చూడటమే లక్ష్యంగా ఈ నిర్ణయం తీసుకున్నాం. మహిళలకు సాధికారత కల్పించడం, వారికి 'జీవన సౌలభ్యం' కల్పించాలన్న మా నిబద్ధతలో ఇది భాగం. ' అని ప్రధాని ప్రకటించారు.
(4 / 5)
ఎల్పీజీ సిలిండర్లపై సబ్సిడీని మరో ఏడాది పొడిగిస్తున్నట్లు కేంద్ర ప్రభుత్వం ప్రకటించింది. దీంతో 2025 మార్చి వరకు ప్రతి గ్యాస్ సిలిండర్పై సబ్సిడీ ఇవ్వనున్నారు. అయితే గ్యాస్ సిలిండర్ ధరను రూ.100 తగ్గించడం వల్ల కేవలం ఉజ్వల యోజన లబ్ధిదారులకు మాత్రమే ప్రయోజనం చేకూరుతుందా లేక దేశం మొత్తానికి ప్రయోజనం చేకూరుతుందా అనేది ప్రధాని సోషల్ మీడియా సందేశం నుంచి స్పష్టంగా తెలియడం లేదు.
(5 / 5)
మోదీ ప్రకటనకు ముందు గత ఏడాది ఆగస్టు 30 తర్వాత ఒక్కసారి కూడా డొమెస్టిక్ గ్యాస్ సిలిండర్ల గ్రాఫ్లో ఎలాంటి మార్పు లేదు. హైదరాబాద్‌లో 14.2 కిలోల సబ్సిడీ ఎల్పీజీ సిలిండర్ ధర రూ. 955గా ఉంది. నేటి ప్రకటన తర్వాత గ్యాస్ సిలిండర్ ధర రూ. 855కు తగ్గనుంది. ఆంధ్ర ప్రదేశ్, తెలంగాణ రాష్ట్రాల్లో ఇంచుమించుగా ఇదే ధర వర్తిస్తుంది.
ఇతర గ్యాలరీలు