MS Dhoni: ధోనీ దగ్గర ఉన్న ఖరీదైన కార్లు, బైకులను ఎప్పుడైనా చూశారా?

తన దగ్గర ఉన్న వింటేజ్ కారుతో ధోనీ సెల్ఫీ ఇది. అతని దగ్గర ఇలాంటి వింటేజ్ లతోపాటు ఫెరారీ, హమ్మర్, జీఎంసీ సియెరాలాంటి ఖరీదైన ఫోర్ వీలర్ కార్లు ఉండటం విశేషం.

ఇది ధోనీ దగ్గర ఉన్న కవాసకీ నింజా హెచ్2 బైక్. ఇది 2017 మోడల్. దీని ధర ఇండియాలో రూ.23 లక్షల నుంచి రూ.80 లక్షల వరకూ ఉండటం విశేషం. ఈ బైక్ ఫొటోను అతడు తన ఇన్ స్టా అకౌంట్లో షేర్ చేశాడు

ధోనీ దగ్గర ఉన్న వింటేజ్ బైకులలో ఇదీ ఒకటి. దీని పేరు నార్టన్ జూబ్లీ 250. దీని ఇంజిన్ కెపాసిటీ 250 సీసీ. ఈ బైకులను 1958 నుంచి 1966 మధ్య యూకేలో తయారు చేశారు.

ధోనీ దగ్గర కవాసకీ, నార్టన్ వింటేజ్ బైకులే కాకుండా కాన్ఫెడరేట్ హెల్ కాట్, బీఎస్ఏ, సుజుకీ హయబుసాలాంటి ఇతర ఖరీదైన బైకులు కూడా ఉన్నాయి.

ఇది ధోనీ దగ్గర ఉన్న పోర్షె 718 బాక్స్ స్టర్ కారు. ఇదే కాదు పోర్షె కంపెనీకే చెందిన 911 కారు కూడా అతని గ్యారేజీలో ఉంది.  ఈ కారు ధర ఇండియాలో రూ.1.7 కోట్ల నుంచి రూ.3.08 కోట్ల వరకూ ఉంది.

1960లనాటి మోడిఫై చేసిన నిస్సాన్ వన్ టాన్/4W73 వెహికిల్ కూడా ధోనీ గ్యారేజీలో ఉంది. ఈ కారును ముచ్చటపడి కొన్న ధోనీ దీనికి తాను కోరుకున్న మార్పులను చేసుకున్నాడు.

ఈ కాన్ఫడెరేట్ ఎక్స్132 హెల్ కాట్ బైకు ధర సుమారు రూ.50 లక్షలు. ఈ బైకు కొన్ని ఏకైక ఆగ్నేయ ఆసియా వ్యక్తి ధోనీ మాత్రమే అని ఇప్పటికే చాలా వార్తలు వచ్చాయి. ప్రపంచంలోని అరుదైన బైకులలో ఇదీ ఒకటి.

1967 నుంచి 2002 మధ్య తయారైన పాంటియాక్ ఫైర్ బర్డ్ కారు కూడా ధోనీ కలెక్షన్లలో ఒకటి కావడం విశేషం. 2020లో తాను ఇంటర్నేషనల్ క్రికెట్ నుంచి రిటైరైన తర్వాత ఈ కారును తనకు తాను గిఫ్ట్ ఇచ్చుకున్నాడు ధోనీ.