IPL Records : 11 ఏళ్ల రికార్డును బద్దలు కొట్టిన చెన్నై సూపర్ కింగ్స్

శనివారం (మే 20) జరిగిన ఐపీఎల్ 16వ ఎడిషన్‌లో చెన్నై సూపర్ కింగ్స్ అలవోకగా గెలిచింది. దీంతో 12వ సారి ప్లే ఆఫ్‌లోకి అడుగుపెట్టింది.

తొలుత బ్యాటింగ్ చేసిన చెన్నై భారీ పరుగులు చేసింది. రుతురాజ్ గైక్వాడ్ (79), డెవాన్ కాన్వే (87) అర్ధ సెంచరీలతో 20 ఓవర్లలో 223 పరుగులు చేసింది చెన్నై.

ఈ లక్ష్యాన్ని ఛేదించేందుకు బరిలో దిగిన ఢిల్లీ క్యాపిటల్స్ 20 ఓవర్లలో 9 వికెట్ల నష్టానికి 146 పరుగులు మాత్రమే చేయగలిగింది. డేవిడ్ వార్నర్ 86 పరుగులతో ఒంటరి పోరాటం చేశాడు.

ఈ మ్యాచ్‌లో చెన్నై ప్రత్యేక రికార్డును లిఖించింది. ఢిల్లీపై అత్యధిక పరుగులు సాధించింది. 223 పరుగులు చేసి 11 ఏళ్ల రికార్డును బద్దలు కొట్టింది.

2012లో ఢిల్లీపై CSK నెలకొల్పిన రికార్డు చెరిగిపోయింది. ఆ రోజు క్వాలిఫయర్‌లో ఢిల్లీపై చెన్నై 222 పరుగులు చేసింది. ఇప్పుడు మే 20న ఒక్క పరుగు ఎక్కువ చేసి రికార్డు లిఖించింది.