PM Modi: వయనాడ్ లో ప్రకృతి విధ్వంసాన్ని పరిశీలించిన ప్రధాని మోదీ

కేరళలోని వయనాడ్ లో కొండచరియలు విరిగిపడిన ప్రమాదంలో బాధితులను ప్రధాని నరేంద్ర మోదీ శనివారం పరామర్శించారు.

ప్రభావిత ప్రాంతాల్లో క్షేత్రస్థాయి పరిశీలన సందర్భంగా కేరళ ఏడీజీపీ (శాంతిభద్రతలు) ఎంఆర్ అజిత్ కుమార్ ప్రధానికి ప్రమాదం పూర్వాపరాలను వివరించారు.

దీనిని జాతీయ విపత్తుగా ప్రకటించాలని కేరళ రాష్ట్ర ప్రభుత్వం కేంద్ర ప్రభుత్వాన్ని కోరింది.

కొండచరియలు విరిగిపడిన ఘటనలో బాధితులను పరామర్శించేందుకు మోదీ వయనాడ్ లోని సహాయ శిబిరాన్ని సందర్శించారు.

విపత్తు చోటు చేసుకున్న ప్రదేశాన్ని సందర్శించే ముందు, వయనాడ్ లో కొండచరియలు విరిగిపడిన ప్రాంతాల్లో సహాయ, పునరావాస చర్యలను అంచనా వేయడానికి ప్రధాని ఏరియల్ సర్వే నిర్వహించారు.