Hyderabad Metro : మెట్రో ప్రయాణికులకు గుడ్‌న్యూస్.. మరో కొత్త లైన్‌కు సీఎం ఆమోదం!

హైదరాబాద్ మెట్రో రెండో దశ డీపీఆర్‌లకు తుది మెరుగులు దిద్దుతున్నారు. హైదరాబాద్ మెట్రో రైల్ రెండో దశ డీపీఆర్‌ల తయారీ పురోగతిపై.. సీఎం రేవంత్ ఇటీవల అధికారులతో సమీక్షించారు. 

హైదరాబాద్ మెట్రో ఎండీ ఎన్వీఎస్ రెడ్డి.. మెట్రో రెండవ దశ కారిడార్‌ల అలైన్‌మెంట్, ముఖ్యమైన ఫీచర్లు, స్టేషన్లు మొదలైన వాటిపై ఆదివారం ప్రెజెంటేషన్ ఇచ్చారు. 

అన్ని కారిడార్‌లకు సంబంధించిన డీపీఆర్‌లకు తుది మెరుగులు దిద్దుతున్నామని.. హైదరాబాద్ మెట్రో ఎండీ ఎన్వీఎస్ రెడ్డి వివరించారు. 

ట్రాఫిక్ అంచనాల విషయంలో హెచ్‌ఎండీఏ సిద్ధం చేస్తున్న కాంప్రహెన్సివ్ మొబిలిటీ ప్లాన్ ట్రాఫిక్ అధ్యయన నివేదిక కోసం.. మెట్రో సంస్థ ఎదురు చూస్తోందని.. ముఖ్యమంత్రి రేవంత్ రెడ్డికి ప్రెజెంటేషన్ ద్వారా వివరించారు.

గతంలో ముఖ్యమంత్రి నిర్వహించిన సమీక్షా సమావేశంలో నిర్ణయించిన ప్రకారం.. ఎయిర్‌పోర్ట్ మెట్రో అలైన్‌మెంట్ ఇప్పుడు ఆరామ్‌ఘర్, 44వ నెంబర్ జాతీయ రహదారి (బెంగళూరు హైవే)లోని కొత్త హైకోర్టు ప్రాంతం మీదుగా.. శంషాబాద్ విమానాశ్రయానికి చేరుకునేలా ఖరారు చేస్తున్నట్లు ఎండీ తెలిపారు.