105ఏళ్లలో అతి భయానక కార్చిచ్చు.. హవాయిలో 89మంది మృతి!

అమెరికా చరిత్రలో గత 105ఏళ్ల ఈ తరహా దావానలాన్ని ఎవరు చూడలేదు! హవాయి ప్రాంతం ఎదుర్కొన్న అతిపెద్ద ప్రకృతి విపత్తుగా ఇది చరిత్రలో నిలిచిపోతుందని అక్కడి గవర్నర్​ గ్రీన్​ తెలిపారు.

1918లో మిన్నెసోటా, విస్కాన్సిన్​ ప్రాంతం సంభవించిన కార్చిచ్చుకు 453 మంది ప్రాణాలు కోల్పోయారు. 2,200 భవనాలు బూడిదయ్యాయి. 6 బిలియన్​ డాలర్ల నష్టం ఏర్పడింది. 

మరణించిన 89మందిలో కేవలం ఇద్దరిని మాత్రమే అధికారులు గుర్తించగలగడం ఆందోళనకర విషయం. అనేక మృతదేహాలు గుర్తుపట్టలేనంతగా కాలిపోయాయి!

హవాయి రాజధాని లహైనాలో పరిస్థితులు అత్యంత దారుణంగా ఉన్నాయి. ఈ నగరాన్ని పునర్నిర్మించేందుకు చాలా ఏళ్లు పడుతుందని అధికారులు భావిస్తున్నారు. అయితే ప్రజలను రక్షించి, తాత్కాలిక ఆవాసాలను ఏర్పాటు చేసేందుకు అధికారులు ఫోకస్​ చేశారు.

గత వారం తొలినాళ్లల్లో హవాయి కార్చిచ్చు మొదలైంది. దీనికి కారణాలు ఏంటి? అన్నది ఇంకా తెలియరాలేదు. కారణాలను కనుగొనేందుకు అక్కడి ప్రభుత్వం ఓ కమిటీని వేసింది.