Indian Racing League in Hyd: హుస్సేన్‌ సాగర్‌ తీరంలో రయ్.. రయ్…

Nov 19, 2022, 07:33 PM IST HT Telugu Desk

Nov 19, 2022, 07:33 PM , IST

Formula E Race in Hyderabad: హుస్సేన్‌ సాగర్‌ తీరంలో ఇండియన్‌ రేసింగ్‌ లీగ్‌ ట్రయల్ రన్ ప్రారంభమైంది. స్ట్రీట్‌ సర్క్యూట్‌పై స్పోర్ట్స్‌ కార్లు రయ్‌.. రయ్‌ మంటూ పరుగులు తీశాయి. 3.10 గంటల నుంచి 3.20 గంటల వరకు క్వాలిఫయింగ్-1 డ్రైవర్ ఏ బృందం, 3.30 నుంచి 3.40 నిమిషాల వరకు క్వాలిఫయింగ్‌-2 బి బృందం రేస్‌ ప్రారంభించింది. సాయంత్రం 4 గంటల నుంచి 4.45 గంటల వరకు మెయిన్‌ రేస్‌ జరిగింది. ఈ రేసింగ్ లను చూసేందుకు పలువురు ప్రముఖులతో పాటు నగర వాసులు భారీగా హాజరయ్యారు. రేస్‌ కార్లు చూసి.. వాటితో ఫొటోలు దిగేందుకు యువత పోటీ పడుతున్నారు. ఇక వచ్చే ఏడాది ఫిబ్రవరి 11న అసలైన ఫార్ములా ఈ-కార్‌ రేస్‌ పోటీలు జరుగుతాయి.

(1 / 4)

హైదరాబాద్ లోని హుస్సేన్‌ సాగర్‌ తీరంలో శనివారం ఇండియన్‌ రేసింగ్‌ లీగ్‌ ప్రారంభమైంది. స్ట్రీట్‌ సర్క్యూట్‌పై కార్లు రయ్‌.. రయ్‌ మంటూ దూసుకెళ్లాయి.(twitter)

(2 / 4)

ఈ లీగ్ ను రాష్ట్ర ఐటీ మంత్రి కేటీఆర్ జెండా ఊపి ప్రారంభించారు.హుస్సేన్‌సాగర్ నెక్లెస్‌రోడ్డులో ఏర్పాటు చేసిన 2.7 కిలోమీటర్ల ప్రత్యేక ట్రాక్‌లో గంటకు 300 కిలోమీటర్ల వేగంతో కార్లు దూసుకెళ్లాయి.(twitter)

(3 / 4)

2023 ఫిబ్రవరి 11న జరగనున్న ఫార్ములా ఈ-కార్‌ రేస్‌ ప్రిపరేషన్‌లో భాగంగా శనివారం, ఆదివారం ఇండియన్‌ రేసింగ్‌ నిర్వహిస్తున్నారు. ఇవాళ పెట్రోల్‌ కార్లతోనే రేస్‌ నిర్వహించారు. (twitter)

(4 / 4)

రేసింగ్‌ను వీక్షించడానికి పెద్ద ఎత్తున అభిమానులు తరలివచ్చారు. ప్రేక్షకుల కోసం పకడ్బందీ ఏర్పాట్లు చేశారు.మంత్రి కేటీఆర్‌ ఐమాక్స్‌ వద్ద ప్రేక్షకులతో పాటు నిల్చుని రేసింగ్‌ను వీక్షించారు. ఆయన కుమారుడు హిమాన్ష్ కూడా ఈ పొటీలను చూశారు.(twitter)

ఇతర గ్యాలరీలు