Benefits of Omega 3 fatty acids: ఒమెగా 3 ఫ్యాటీ యాసిడ్స్ తో థైరాయిడ్ సమస్యకు చెక్

జీవక్రియ, పెరుగుదలకు, అభివృద్ధికి అవసరమైన హార్మోన్లను ఉత్పత్తి చేయడంలో థైరాయిడ్ గ్రంధిది కీలక పాత్ర. ఒమేగా-3 ఫ్యాటీ యాసిడ్స్  థైరాయిడ్ గ్రంధి పనితీరును మెరుగుపరుస్తాయి. ఒమేగా-3 ఫ్యాటీ యాసిడ్స్ తో చాలా ఆరోగ్య ప్రయోజనాలు ఉన్నాయి. "ఒమేగా-3 ఫ్యాటీ యాసిడ్స్ సాధారణంగా చేపల నూనె, కొన్ని మొక్కల నూనెలలో లభిస్తాయి, ఇవి థైరాయిడ్ గ్రంధి పనితీరుతో సహా మొత్తం ఆరోగ్యంలో కీలక పాత్ర పోషిస్తున్న ముఖ్యమైన పోషకాలు.

ఒమెగా 3 ఫ్యాటీ యాసిడ్స్ తో థైరాయిడ్ సమస్యలకు చెక్ చెప్పవచ్చు. ముఖ్యంగా ఇవి హషిమోటోస్ థైరాయిడిటిస్ అనే థైరాయిడ్ డిసార్డర్ చికిత్సలో సహకరిస్తాయి. 

ఒమేగా-3 కొవ్వు ఆమ్లాలు రోగనిరోధక వ్యవస్థను మెరుగుపరుస్తాయి. గ్రేవ్స్ డిసీజ్ వంటి ఆటో ఇమ్యూన్ థైరాయిడ్ రుగ్మతలను నిరోధిస్తాయి. 

ఒమేగా-3 కొవ్వు ఆమ్లాలు థైరాక్సిన్‌ను ట్రియోడోథైరోనిన్‌గా మార్చడంలో సహాయపడతాయి.

ఒమేగా -3 ఫ్యాటీ యాసిడ్స్ శరీరానికి థైరాయిడ్ హార్మోన్ల రవాణాను మెరుగుపరుస్తాయి.

ఒమేగా-3 ఫ్యాటీ యాసిడ్స్ కణ స్థాయిలో థైరాయిడ్ హార్మోన్లను స్వీకరించే ప్రక్రియను మెరుగుపరుస్తాయి. తద్వారా హార్మోన్ రిసెప్టర్ ఫంక్షన్, సిగ్నలింగ్‌ మెరుగవుతాయి.