Cough During Pregnancy । గర్భిణీ స్త్రీలు దగ్గు నుంచి ఉపశమనం పొందే సురక్షిత మార్గాలు!

Mar 16, 2023, 11:40 AM IST HT Telugu Desk

Mar 16, 2023, 11:40 AM , IST

Cough During Pregnancy: గర్భధారణ సమయంలో తేలికపాటి అనారోగ్యాన్ని కూడా విస్మరించవద్దు. సాధారణ దగ్గు, జలుబుకు ఔషధాలు తీసుకోవడం కూడా దుష్ప్రభావాలు కలిగించవచ్చు. ఎలాంటి సైడ్ ఎఫెక్ట్స్ ఉండని కొన్ని నివారణ మార్గాలు ఇక్కడ చూడండి.

(1 / 9)

గర్భం అనేది ఏ స్త్రీకైనా సున్నితమైన కాలం. సాధారణ జలుబు లేదా దగ్గు కూడా వారికి తీవ్రమైన అసౌకర్యం, నిద్రలేమి కలిగిస్తుంది. అనేక ఓవర్-ది-కౌంటర్ దగ్గు మందులు అందుబాటులో ఉన్నప్పటికీ, గర్భిణీ స్త్రీలు తమ బిడ్డ ఆరోగ్యం దృష్ట్యా ఈ మందుల ప్రభావాల గురించి తరచుగా ఆందోళన చెందుతారు. ఎటువంటి ప్రతికూల ప్రభావాలు లేని సహజమైన నివారణ మార్గాలు ఇక్కడ చూడండి. (Pexels)

(2 / 9)

తేనె: తేనె సహజంగానే దగ్గును అణిచివేస్తుంది. ఇది యాంటీ ఇన్ఫ్లమేటరీ గుణాలను కలిగి ఉంటుంది. ఒక టేబుల్ స్పూన్ తేనెను గోరువెచ్చని నీరు లేదా టీతో కలపి తాగడం వల్ల గొంతు నొప్పి నుండి ఉపశమనం పొందవచ్చు. (Unsplash)

(3 / 9)

ఉప్పునీరు: ఉప్పునీరు యాంటీమైక్రోబయల్ గుణాలు కలిగి ఉంటుంది. గోరువెచ్చని ఉప్పునీటితో నోటిని పుక్కిలించడం వల్ల శ్లేష్మం విరిగిపోయి దగ్గు తగ్గుతుంది.(Pixabay)

(4 / 9)

ఆవిరి పీల్చడం: ఆవిరిని పీల్చడం వల్ల శ్లేష్మం తేమగా మారి వదులుతుంది, ఇది దగ్గును సులభతరం చేస్తుంది. వేడి నీటిలో యూకలిప్టస్ ఆయిల్ జోడించడం వల్ల మరింత ఉపశమనం పొందవచ్చు.(gettyimages)

(5 / 9)

అల్లం టీ: అల్లంలో సహజసిద్ధమైన యాంటీ ఇన్‌ఫ్లమేటరీ లక్షణాలు ఉన్నాయి, ఇది దగ్గును తగ్గించడంలో సహాయపడుతుంది. అల్లం టీని తేనెతో కలిపి తాగడం వల్ల గొంతు నొప్పి తగ్గుతుంది, దగ్గు నుండి ఉపశమనం లభిస్తుంది.(Unsplash)

(6 / 9)

చికెన్ సూప్: చికెన్ సూప్‌లో యాంటీ ఇన్‌ఫ్లమేటరీ గుణాలు ఉంటాయి. చికెన్ సూప్ తగడం వలన గొంతు, శ్వాసనాళాల్లో మంట తగ్గుతుంది. ఇది దగ్గును తగ్గించడంలో సహాయపడుతుంది.

(7 / 9)

విటమిన్ సి: విటమిన్ సి రోగనిరోధక శక్తిని పెంచుతుంది, దగ్గుకు కారణమయ్యే ఇన్‌ఫెక్షన్‌లతో పోరాడటానికి సహాయపడుతుంది. విటమిన్ సి అధికంగా ఉండే ఆహారాలు తినడం లేదా సప్లిమెంట్ తీసుకోవడం గర్భధారణ సమయంలో దగ్గును తగ్గించవచ్చు. (freepik )

(8 / 9)

విశ్రాంతి: తగినంత విశ్రాంతి తీసుకోవడం వల్ల శరీరంలో కొన్ని అనారోగ్య సమస్యలు వాటంతటవే నయం అవుతాయి. దగ్గు కూడా తగ్గుతుంది. (Pexels)

(9 / 9)

గర్భధారణ సమయంలో దగ్గు చాలా అసౌకర్యంగా ఉంటుంది. ఈ సహజ మార్గాలను అనుసరించడం ద్వారా సురక్షితంగా దగ్గు నుంచి ఉపశమనం పొందవచ్చు. (Photo by Ivan Samkov Ivan Samkov on Pexels)

ఇతర గ్యాలరీలు