UP Police : ‘భార్యను దోమలు కుడుతున్నాయి’- భర్త ట్వీట్​.. సాయం చేసిన పోలీసులు!

UP Police viral news : 'నా భార్యను దొమలు కుడుతున్నాయి. సహాయం చేయండి,' అంటూ ఓ వ్యక్తి పోలీసులకు ఆశ్రయించాడు. వెంటనే స్పందించిన పోలీసులు.. మస్కిటో కాయిల్స్​ని తీసుకెళ్లి ఇచ్చారు. పోలీసులు.. ఇలా మస్కిటో కాయిల్స్​ని కూడా అందించే కార్యక్రమం చేపట్టారా? అన్న అనుమానం మీకు రావొచ్చు. అయితే ఇక్కడ జరిగిన సంఘటన వేరు! అసలు కథ ఏంటంటే..

ఆసుపత్రిలో దోమలు..

ఉత్తర్​ ప్రదేశ్​లోని చాందౌసిలో నివాసముంటున్న అసద్​ ఖాన్​ అనే వ్యక్తి.. పురుటి నొప్పులతో బాధపడుతున్న తన భార్యను హరి ప్రకాశ్​ నర్సింగ్​ హోంకు తీసుకెళ్లాడు. మంగళవారం తెల్లవారుజామున.. అక్కడ ఆమె ఆడబిడ్డకు జన్మనిచ్చింది. కానీ ఆ ఆసుపత్రిలో దోమలు విపరీతంగా ఉన్నాయి. ప్రసవ వేదనతో పాటు దొమలు కుడుతుండటంతో ఆ మహిళ చాలా బాధపడింది. తన భార్య బాధను చూసిన ఆ వ్యక్తి తట్టుకోలేకపోయాడు. సాయం చేసేందుకు ప్రయత్నించాడు. కానీ అర్ధరాత్రి- తెల్లవారుజామున కావడంతో అతనికి దోమల మందు, మస్కిటో కాయిల్స్​ దొరకలేదు. చివరికి పోలీసులను ఆశ్రయించాడు.

UP Police latest news : "అందమైన ఆడబిడ్డకు నా భార్య జన్మనిచ్చింది. నాకు చాలా సంతోషంగా ఉన్నప్పటికీ.. ప్రసవంతో నా భార్య పడుతున్న బాధ చూడలేకపోయాను. అదే సమయంలో దోమలు కూడా ఆమెను విపరీతంగా కుట్టాయి. నొప్పి ఇంకా పెరిగింది. వెంటనే ఓ ఆలోచన వచ్చింది. సాయం చేయాలని యూపీ పోలీసులకు ట్వీట్​ చేశాను," అని అసద్​ ఖాన్​ పేర్కొన్నాడు.

UP Police help citizens : అసద్​ ఖాన్​ ట్వీట్​ను సంభాల్​ పోలీసులు కొద్దిసేపటికే చూశారు. 'ఇలాంటివి కూడా పోలీసులకు చెబుతారా?' అని వారు ఆలోచించలేదు. వెంటనే స్పందించి.. 10-15 నిమిషాల్లో ఆసుపత్రికి చేరుకున్నారు. మస్కిటో కాయిల్స్​ని అసద్​ ఖాన్​కి ఇచ్చారు. అది చూసి అసద్​ ఖాన్​ చాలా సంతోషించాడు.

UP Police news : యూపీ పోలీసులు చేసిన సాయం ప్రస్తుతం సామాజిక మాధ్యమాల్లో వైరల్​గా మారింది. ఈ సంఘటన తెలిసిన వారందరు పోలీసులపై ప్రశంసల వర్షం కురిపిస్తున్నారు.