టీచర్​తో స్టూడెంట్​ శృంగారం.. రెడ్​ హ్యాండెడ్​గా పట్టుకున్న తల్లి- ఆ యాప్​లో చూసి!

ఓ యువకుడు.. ఓ కారులో తన టీచర్​తో శృంగారం​ చేస్తూ, తన తల్లికి దొరికిపోయాడు! అమెరికాలో జరిగింది ఈ ఘటన. ఓ ట్రాకింగ్​ యాప్​ ఆధారంగా తన కుమారుడిని రెడ్​ హ్యాండెడ్​గా పట్టుకుంది ఆ తల్లి.

ఇదీ జరిగింది..

అమెరికాలోని నార్త్​ కారోలీనాకు చెందిన చార్లెట్​ అనే ప్రాంతంలో థాంక్స్​ గివింగ్​ సమయంలో జరిగింది ఈ ఘటన. సౌత్​ మెక్​లెన్​బర్గ్​ హై స్కూల్​లో టీచర్​గా పనిచేస్తున్న 26ఏళ్ల గాబ్రియేలా కార్టయా-న్యూఫెల్డ్​కు 18ఏళ్ల యువకుడికి మధ్య గత కొంతకాలంగా ఎఫైర్​ నడుస్తున్నట్టు వార్తలు వచ్చాయి. ఈ విషయం ఆ యువకుడి తల్లిదండ్రులకు చేరింది. అప్పటి నుంచి అతడి కదలికలను ట్రాక్​ చేయడం మొదలుపెట్టింది ఆ యువకుడి తల్లి.

ఈ నేపథ్యంలో.. థ్యాంక్స్​ గివింగ్​ హాలిడే సమయంలో ఆ యువకుడు రగ్బీ ప్రాక్టీస్​కు వెళ్లాల్సి ఉంది. కానీ అతను డుమ్మా కొట్టి.. టీచర్​ దగ్గరికి వెళ్లాడు. ప్రాక్టీస్​కి రాలేదని అతని తల్లికి సమచారం అందింది. లైఫ్​360 అనే ఫ్యామిలీ సోషల్​ నెట్​వర్కింగ్​ యాప్​ ద్వారా తన కుమారుడి లొకేషన్​ని ట్రేస్​ చేసింది. పార్క్​ రోడ్​లోని ఓ పార్క్​లో అతను ఉన్నట్టు తెలుసుకుంది. స్వయంగా ఆ పార్క్​కు వెళ్లింది. అతను అక్కడ ఏం చేస్తున్నాడో చూసి షాక్​కు గురైంది.

Teacher student sex : ఓ కారులో టీచర్​తో పాటు అక్కడికి వెళ్లిన యువకుడు.. ఆమెతో శృంగారం​ చేశాడు. ఆ దృశ్యాలను అతని తల్లి, కాస్త దూరం నుంచి చూసింది. ఆ దృశ్యాలను ఫొటోలు తీసింది. ఆ తర్వాత.. పోలీస్​ స్టేషన్​కు వెళ్లి, జరిగిన విషయాన్ని వెల్లడించింది.

ఘటనపై కేసు నమోదు చేసుకున్న పోలీసులు.. అప్పటి నుంచి ఈ విషయంపై దర్యాప్తు చేస్తున్నారు. ఆ టీచర్​.. ఆ యువకుడితో కారులో, తన ఇంట్లో అనేక మార్లు శృంగారం​ చేసినట్టు పోలీసులు తెలుసుకున్నారు. టీచర్​ని అరెస్ట్​ చేశారు. కొన్ని రోజులకు ఆమె బెయిల్​పై విడుదలైంది.

కాగా.. టీచర్​, స్టూడెంట్​ మధ్య ఎఫైర్​ నడుస్తున్న విషయంపై స్కూల్​లో కూడా జోరుగా రూమర్స్​ సాగాయని సమాచారం. మరి దీనిపై స్కూల్​ యాజమాన్యం ఎందుకు స్పందించలేదో తెలియదు!

life360 family locator app : ఇక లైఫ్​360 యాప్​ విషయానికొస్తే.. దీనిని 2008లో లాంచ్​ చేశారు. ఇప్పటికీ ఈ యాప్​లో 50 మిలియన్​ మంది యాక్టివ్​ యూజర్స్​ ఉన్నారు. ఫ్రెండ్స్​, ఫ్యామిలీ లొకేషన్​ను షేర్​ చేయడానికి, ట్రాక్​ చేయడానికి ఉపయోగపడే విధంగా ఈ యాప్​ని రూపొందించారు. ఈ ఏడాదిలో ఈ లైఫ్​360 యాప్​ ఆదాయం 300 మిలియన్​ డాలర్లు దాటుతుందని అంచనాలు ఉన్నాయి. అంటే.. ఈ యాప్​ని అమెరికన్లు ఏ రేంజ్​లో వాడుతున్నారో అర్థం చేసుకోవచ్చు. అదే సమయంలో ఈ లైఫ్​360 యాప్​ చుట్టూ వివాదాలు కూడా ఉన్నాయి. ముఖ్యంగా ప్రైవసీ విషయంపై ఆరోపణలు వెల్లువెత్తుతున్నాయి.