UGC NET Result 2023: యూజీసీ నెట్ రిజల్ట్స్ వచ్చేశాయి.. ఇలా చెక్ చేసుకోండి..

UGC NET Result 2023: యూజీసీ నెట్ పరీక్షలను నేషనల్ టెస్టింగ్ ఏజెన్సీ నిర్వహిస్తుంది. యూజీసీ నెట్ 2023 డిసెంబర్ ఫలితాలను ఎన్టీఏ విడుదల చేసింది. ఈ ఫలితాలను విద్యార్థులు ఎన్టీఏ అధికారిక వెబ్ సైట్స్ అయిన ugcnet.nta.ac.in లేదా, nta.ac.in లో చెక్ చేసుకోవచ్చు.

9.45 లక్షల మంది..

యూజీసీ - నెట్ (UGC NET Result 2023) డిసెంబర్ ఎడిషన్ పరీక్షలను దేశవ్యాప్తంగా 292 నగరాల్లో 83 సబ్జెక్టుల్లో 2023 డిసెంబర్ 6 వ తేదీ నుంచి 19వ తేదీ వరకు నిర్వహించారు. మొత్తం 9.45 లక్షల మంది అభ్యర్థులు ఈ పరీక్షకు హాజరయ్యారు. ఈ పరీక్షలకు సంబంధించిన ప్రొవిజనల్ ఆన్సర్ కీని జనవరి 3 వ తేదీన విడుదల చేశారు. ఒక్కో ప్రశ్నకు రూ.200 ఫీజు చెల్లించి, ఈ ఆన్సర్ కీపై తమ అభ్యంతరాలను విద్యార్థులు తెలియజేయవచ్చని తెలిపారు. తాజాగా, జనవరి 17న ఫైనల్ ఫలితాలను విడుదల చేశారు.

ఎలా చెక్ చేయాలి?

యూజీసీ నెట్ 2023 డిసెంబర్ పరీక్షల ఫలితాలను విద్యార్థులు ఈ కింది స్టెప్స్ ఫాలో కావడం ద్వారా తెలుసుకోవచ్చు.

• ముందుగా ugcnet.nta.ac.in లేదా, nta.ac.in వెబ్ సైట్ ను ఓపెన్ చేయాలి.
• హోమ్ పేజీలో కనిపిస్తున్న ‘యూజీసీ నెట్ రిజల్ట్ 2023’ లింక్ పై క్లిక్ చేయండి.
• కొత్త పేజీ ఓపెన్ అవుతుంది. అందులో అభ్యర్థులు లాగిన్ వివరాలను నమోదు చేయాల్సి ఉంటుంది.
• ఆ వివరాలు నమోదు చేసి, సబ్మిట్ పై క్లిక్ చేస్తే మీ రిజల్ట్ లేదా స్కోర్ కార్డ్ స్క్రీన్ పై డిస్ ప్లే అవుతుంది.
• ఫలితాల పేజీని డౌన్ లోడ్ చేసుకోండి.
• భవిష్యత్తు అవసరాల కోసం దాని హార్డ్ కాపీని భద్రపర్చుకోండి.
• ఈ ఫలితాలను పునః మూల్యాంకనం/పునఃపరిశీలన చేయడం సాధ్యం కాదు. దీనికి సంబంధించి ఎలాంటి ఉత్తరప్రత్యుత్తరాలు అనుమతించబడవు. మరిన్ని వివరాలకు అభ్యర్థులు యూజీసీ నెట్ అధికారిక వెబ్ సైట్ ugcnet.nta.ac.in లేదా, nta.ac.in లను చూడవచ్చు.