Train cancellation refund : ట్రైన్​ రద్దు అయితే.. రీఫండ్​ ఎలా పొందాలి?-if train is cancelled how to get refund explained in telugu ,జాతీయ - అంతర్జాతీయ న్యూస్
తెలుగు న్యూస్  /  National International  /  If Train Is Cancelled How To Get Refund Explained In Telugu

Train cancellation refund : ట్రైన్​ రద్దు అయితే.. రీఫండ్​ ఎలా పొందాలి?

Sharath Chitturi HT Telugu
Mar 26, 2024 12:07 PM IST

Train cancelled refund : మీరు ప్రయాణించాల్సిన ట్రైన్​ క్యాన్సిల్​ అయ్యిందా? రీఫండ్​ వస్తుందా- లేదా? అని ఆలోచిస్తున్నారా? రీఫండ్​ ఎలా పొందాలో తెలియదా? అయితే.. ఆ వివరాలను ఇక్కడ తెలుసుకోండి..

ట్రైన్​ క్యాన్సిల్​ అయితే.. రీఫండ్​ ఎలా పొందాలి?
ట్రైన్​ క్యాన్సిల్​ అయితే.. రీఫండ్​ ఎలా పొందాలి?

How to get refund for cancelled train : రైల్వే ట్రాక్​ మరమ్మత్తులనో, వర్షాలనో, మంచు కురుస్తోందనో.. అనేకమార్లు రైళ్లు రద్దవుతూ ఉంటాయి. ఈ మధ్య కాలంలో ఇలాంటి వార్తలు తరచూ వింటూనే ఉంటున్నాము. మరి.. ట్రైన్​ రద్దు అయితే.. టికెట్​ డబ్బులు తిరిగొస్తాయా? రీఫండ్​ ఎలా పొందాలి? వంటి వివరాలను ఇక్కడ తెలుసుకుందాము..

ట్రెండింగ్ వార్తలు

ట్రైన్​ రద్దు అయితే.. రీఫండ్​ ఎలా పొందాలి?

రీఫండ్​ ఎలిజిబులుటీని వెరిఫై చేసుకోండి:- మీరు ప్రయాణించాల్సిన రైలు మూడు గంటలు లేదా అంత కన్నా ఎక్కువ ఆలస్యమైతే.. మీకు ఫుల్​ టికెట్​ రీఫండ్​ లభిస్తుంది. ఈ విషయం.. రైల్వే రూల్స్​లోనే ఉంది. ఇలాంటి పరిస్థితుల్లో మీరు టికెట్​ క్యాన్సిల్​ చేసుకోవచ్చు.

రైల్వే కౌంటర్స్​లో టికెట్​ని బుక్​ చేసుకుని ఉంటే.. మళ్లీ అదే కౌంటర్స్​ దగ్గరికి వెళ్లి క్యాన్సిల్​ చేసుకోవాల్సి ఉంది. ఆన్​లైన్​లో తీసుకుంటే మాత్రం.. ఐఆర్​సీటీసీ వెబ్​సైట్​లోకి వెళ్లి అక్కడ చెప్పిన విధంగా టికెట్​ని క్యాన్సిల్​ చేసుకోవచ్చు.

టికెట్​ డిపాజిట్​ రిసిప్ట్​:- ఛార్ట్​ తయారైన తర్వాత.. మీరు ప్రయాణించాల్సిన రైలు మాటిమాటికి ఆలస్యమవుతుంటే.. టీడీఆర్​ అప్లై చేసుకుని టికెట్​ని క్యాన్సిల్​ చేసుకోవచ్చు. ఐఆర్​సీటీసీలోకి లాగిన్​ అయ్యి, అక్కడ చెప్పిన విధంగా టికెట్​ని రద్దు చేసుకోవాలి.

If train is cancelled how to get refund : ట్రైన్​ రద్దు అయితే రీఫండ్​ పొందొచ్చా:- ఏదైన ట్రైన్​ని భారతీయ రైల్వే రద్దు చేస్తే.. ప్యాసింజర్లకు ఆటోమెటిక్​గా డబ్బులు రీఫండ్​ అవుతాయి. ఆన్​లైన్​లో ఈ-టికెట్స్​ బుక్​ చేసుకున్న వారికి.. 3 నుంచి 7 రోజుల వ్యవధిలో బ్యాంక్​ అకౌంట్​లో డబ్బులు క్రెడిట్​ అవుతాయి. కౌంటర్లలో టికెట్లు బుక్​ చేసుకున్న వారు మాత్రం.. మళ్లీ కౌంటర్​కు వెళ్లి, టికెట్​ని చూపించి, రీఫండ్​ పొందాల్సి ఉంటుంది. ట్రైన్​ క్యాన్సిల్​ అయిన 3 రోజుల లోపు. రీఫండ్​ కోసం కౌంటర్​కు వెళ్లి, టికెట్​ని సరెండర్​ చేయాల్సి ఉంటుంది. వీటన్నింటికీ క్యాన్సిలేషన్​ ఛార్జీలు ఉండవు. మొత్తం డబ్బులు రీఫండ్​ అవుతాయి.

అయితే.. ప్రయాణికులు ఇక్కడ ఒక విషయం గుర్తుపెట్టుకోవాలి. ట్రైన్​ క్యాన్సిల్​ అయితే.. ఆ సందర్భంలో ప్యాసింజర్లు వ్యక్తిగతంగా టికెట్​ని క్యాన్సిల్​ చేసుకునేందుకు ప్రయత్నించకూడదు. వాటికి ఆటోమెటిక్​గా రీఫండ్​ పడుతుంది. టికెట్​ క్యాన్సిల్​ చేసుకుంటే మాత్రం.. డబ్బులు పడవు.

Refund for train cancellation : రైలు ఆలస్యమైన, వాతావరణం మార్పులు లేదా అవాంఛనీయ కారణాలతో రద్దు అయితేనే.. పైన చెప్పినవి అప్లై అవుతాయి. మీ వ్యక్తిగత ప్లాన్స్​కి అనుగుణంగా.. రైలు టికెట్​ని రద్దు చేసుకోవాలి అని అనుకుంటే.. అందుకే వేరే మార్గం ఉంటుంది. పైగా.. క్యాన్సిలేషన్​ ఛార్జీ పడే అవకాశం ఉంది.

రైలుకు సంబంధించిన పూర్తి, తాజా వివరాల కోసం ఐఆర్​సీటీసీ వెబ్​సైట్​ని ఎప్పటికప్పుడు ట్రాక్​ చేస్తూ ఉండండి. తద్వారా.. ఏదైనా రైలు రద్దు అయితే, మీరు ముందుగానే అప్రమత్తమై.. అందుకు తగ్గట్టు ప్లాన్​ చేసుకోవచ్చు.

IPL_Entry_Point

సంబంధిత కథనం