IRCTC medical tourism services : అందుబాటులోకి ఐఆర్సీటీసీ మెడికల్ టూరిజం సేవలు!
IRCTC medical tourism services : మెడికల్ టూరిజం సేవలను ప్రారంభించింది ఐఆర్సీటీసీ. ఆ వివరాలు..
IRCTC medical tourism services : ప్రయాణికులకు మెరుగైన సేవలను అందించేందుకు నిత్యం కృషి చేసే ఐఆర్సీటీసీ(ఇండియన్ రైల్వే కేటరింగ్ అండ్ టూరిజం కార్పొరేషన్).. మరో కొత్త ఆలోచనతో ముందుకొచ్చింది. ఈ క్రమంలోనే తాజాగా.. ఆన్లైన్ మెడికల్ టూరిజం ప్యాకేజీలను కస్టమర్ల కోసం తీసుకొచ్చింది!
పైలట్ బేసిస్లో చేపట్టిన ఈ పథకంలో భాగంగా మెడికో- టెక్నికల్ ఆన్లైన్ సేవల కంపెనీతో భాగస్వామ్యం ఏర్పరచుకుంది ఐఆర్సీటీసీ. వివిధ వైద్య, ఆరోగ్య ప్యాకేజీలు తీసుకున్న కస్టమర్లకు పూర్తిగా బ్యాక్ ఎండ్ సేవలను అందించడమే వీటి ముఖ్య ఉద్దేశం. ప్రయాణంలో వసతి, రోడ్డు రవాణా సహా వైద్య విలువలను కూడా జోడించి ప్రయాణికులకు సౌకర్యాన్ని ఇచ్చేందుకు ఈ మేరకు ప్రయత్నాలు జరుగుతున్నాయి. చికిత్స అనంతరం ఆప్షనల్ వెల్నెస్ ప్యాకేజీ కూడా అందుబాటులో ఉంటుంది.
IRCTC online medical tourism : ఇతరులకు పోటీగా.. ఐఆర్సీటీసీ కూడా తన మెడికల్ ట్రీట్మెంట్, వెల్నెస్ ప్యాకేజీల ధరలను నిర్ణయించింది. ఇందుకోసం ఆసుపత్రులు, నర్సింగ్ హోమ్లు, డయగ్నొస్టిక్ సెంటర్లు వంటి నెట్వర్క్ను రూపొందించుకుంది.
ఐఆర్సీటీసీ మెడికల్ టూరిజం సర్వీసు ఎలా పొందాలంటే..
- ముందుగా www.irctctourism.com/MedicalTourism వెబ్సైట్కి వెళ్లాలి.
- అక్కడ కొన్ని వివరాలను ఫిల్ చేయాల్సి ఉంటుంది.
- మీకు ఎలాంటి చికిత్స కావాలో చెప్పాల్సి ఉంటుంది.
- ఆ తర్వాత ఐఆర్సీటీసీ బృందం మీకు ఫోన్ చేసి, మీ పూర్తి వివరాలు, మీకు కావాల్సిన చికిత్స వంటి ఆప్షన్లు వివరిస్తుంది. బడ్జెట్ అంశాలను కూడా చెబుతుంది.
IRCTC latest news : వైద్య చికిత్స కోసం విదేశాల నుంచి అనేకమంది ఇండియాకి వస్తూ ఉంటారు. ఐఐపీఏ(ఇండియన్ ఇన్స్టిట్యూట్ ఆఫ్ పబ్లిక్ అడ్మినిస్ట్రేషన్) ప్రకారం.. ఒక్క 2019లోనే 6.97లక్షల మంది మెడికల్ టూరిస్టులుగా ఇండియాకు వచ్చి చికిత్స చేయించుకున్నారు. 2023 నాటికి.. గ్లోబల్ మెడికల్ వాల్యూ టూరిజంలో ఇండియా వాటా 6శాతానికి చేరుతుందని అంచనా.
సంబంధిత కథనం