Karnataka elections : 'ఉచిత విద్యుత్​.. ఉచిత రవాణా'- కర్ణాటకలో కాంగ్రెస్​ హామీల వర్షం!​

Congress Manifesto for Karnataka elections : త్వరలో ఎన్నికలు జరగనున్న కర్ణాటకలో హామీల వర్షం కురిపించింది కాంగ్రెస్​. తాము ప్రభుత్వంలోకి వస్తే.. ఉచిత విద్యుత్​, మహిళలకు నగదు- ఉచిత రవాణా, నిరుద్యోగ భృతి వంటివి ఇస్తామని ప్రకటించింది. ఈ మేరకు మేనిఫెస్టోను విడుదల చేసింది.

కర్ణాటకలో మంగళవారం ఉదయం జరిగిన ఓ కార్యక్రమంలో ఈ మేనిఫెస్టోను రిలీజ్​ చేసింది కాంగ్రెస్​. ఈ కార్యక్రమంలో పార్టీ అధ్యక్షుడు మల్లిఖార్జున ఖర్గే, కాంగ్రెస్​ రాష్ట్ర అధ్యక్షుడు డీకే శివకుమార్​, మాజీ సీఎం సిద్ధరామయ్యతో పాటు ఇతర నేతలు పాల్గొన్నారు.

కాంగ్రెస్​ మేనిఫెస్టోలోని ముఖ్య అంశాలు..

• Karnataka elections 2023 : ప్రభుత్వం తరఫు నుంచి ఉచితంగా 200 యునిట్​ల విద్యుత్​
• కుటంబ పెద్దగా ఉండే ప్రతి మహిళకు నెలకు రూ. 2వేల నగదు పంపిణీ.
• నిరుద్యోగ గ్రాడ్జ్యువేట్స్​కు నెలకు రూ. 3వేలు(రెండేళ్ల వరకు). డిప్లామా హోల్డర్స్​కు నెలకు రూ. 1,500 (రెండేళ్ల వరకు).
• Karnataka elections Congress Manifesto : కేఎస్​ఆర్​టీసీ/ బీఎంటీసీ బస్సుల్లో మహిళలకు ఉచితంగా ప్రయాణం.
• ఎన్​ఈపీ (జాతీయ విద్యా విధానం)ని తిరస్కరించేందుకు రాష్ట్ర విద్యా విధానాన్ని ఏర్పాటు చేయడం.
• 2006లో సర్వీసులో చేరి, పింఛనుకు అర్హులైన ప్రభుత్వ ఉద్యోగులకు ఓపీఎస్​ పొడిగింపుపై ఆలోచించడం
• Karnataka Congress latest news : ప్రభుత్వ విభాగాల్లో ఇప్పటివరకు ఆమోదించని వేకెన్సీలను ఏడాదిలోపు భర్తీ చేయడం.
• సముద్రంలో చేపల వేట కోసం ప్రతియేటా 500 లీటర్ల ట్యాక్స్​ ఫ్రీ డీజిల్​ అందజేత.
• లీన్​ పీరియడ్​ అలోవెన్స్​ కింద మత్స్యకారులకు రూ. 6000 అందజేత.
• కేజీకి రూ.3 చొప్పున ఆవు పేడ కొనుగోలు. మేన్యూర్​ సెంటర్ల ఏర్పాటు.
• Karnataka Congress manifesto : నైట్​ డ్యూటీలో ఉండే పోలీసు అధికారులకు నెలకు రూ. 5వేల స్పెషల్​ అలోవెన్స్​. ప్రతి యేటా ఒక నెల జీతం ఎక్కువగా ఇవ్వడం.
• ఆర్డర్లు ఇచ్చిన 90రోజుల్లోపు పని మొదలుపెట్టడం, నిర్దేశిత సమయంలో పూర్తి చేయడం. కాంట్రాక్ట్​ బిల్లులు సకాలంలో పూర్తి చేయడం.
• Congress manifesto in Telugu : బజ్​రంగ్​ దళ్​, పీఎఫ్​ఐ వంటి సంస్థలను నిషేధించే విధంగా నిర్ణయం తీసుకోవడం.
• ఎస్​సీ రిజర్వేషన్​ను 15శాతం నుంచి 17శాతానికి పెంచడం. ఎస్​టీ రిజర్వేషన్​ను 3శాతం నుంచి 7శాతానికి పెంచడం. మైనారిటీ రిజర్వేషన్​ను 4శాతానికి పునరుద్ధరించడం. లింగాయత్​లు, వొక్కలిగ్గాలు, ఇతర సంఘాల సభ్యులను రాజ్యాంగంలోని 9వ షెడ్యూల్​లో చేర్చే విధంగా ప్రచారం చేయడం.

కర్ణాటక ఎన్నికలు..

2023 Karnataka elections schedule : 224 అసెంబ్లీ సీట్లున్న కర్ణాటకకు ఈ నెల 10న ఎన్నికలు జరగనున్నాయి. 13న ఫలితాలు వెలువడనున్నాయి. ఇప్పటికే బయటకొచ్చిన కొన్ని సర్వేలు.. ఎన్నికల్లో కాంగ్రెస్​ విజయం సాధిస్తుందని చెబుతున్నాయి. ఇంకొన్ని సర్వేలు.. హంగ్​ వస్తుందని అంచనా వేస్తున్నాయి.

కర్ణాటకలో అధికారంలో ఉన్న బీజేపీ.. సోమవారం తన మేనిఫెస్టోను విడుదల చేసింది. ఆ వివరాలు తెలుసుకునేందుకు ఇక్కడ క్లిక్​ చేయండి.