Weight Loss Tips : మెంతి నీటితో బరువు తగ్గేయోచ్చు.. ఇలా చేయాలి
Fenugreek Water For Weight Loss : మెంతి అనేది అనేక భారతీయ వంటకాలలో ఉపయోగిస్తారు. ఇది అనేక రకాల ఆరోగ్య ప్రయోజనాలను అందించే అత్యంత పోషకమైన సూపర్ఫుడ్. సాంప్రదాయ వైద్యంలో ఉపయోగిస్తారు. జీర్ణక్రియకు సహాయపడటానికి, మంటను తగ్గించడానికి, వివిధ వ్యాధుల చికిత్సకు సహాయం చేస్తుంది
మెంతి(methi) అనేక ప్రయోజనాలను కలిగి ఉంది. బరువు తగ్గేందుకు(weight loss) కూడా ఉపయోగపడుతుంది. మెంతిలో అధిక ఫైబర్ కంటెంట్ బరువు తగ్గడానికి సహాయపడుతుంది. ఎందుకంటే ఇది మిమ్మల్ని ఎక్కువ కాలం పాటు కడుపు నిండుగా ఉంచుతుంది. ఇది రక్తంలో చక్కెర స్థాయిలను నియంత్రించడంలో సహాయపడుతుంది. చెడు కొలెస్ట్రాల్(cholesterol) స్థాయిలను తగ్గించడంలో ఉపయోగపడుతుంది.
మెంతిలో యాంటీఆక్సిడెంట్లు పుష్కలంగా ఉంటాయి. జీవక్రియను పెంచడంలో, కొవ్వు పేరుకుపోవడాన్ని తగ్గించడంలో సహాయపడే సమ్మేళనాలను కలిగి ఉంటుంది. మెంతికూరను రకరకాలుగా తినవచ్చు. దీనిని క్యాప్సూల్ లేదా పౌడర్ రూపంలో సప్లిమెంట్గా తీసుకోవచ్చు. కూరలు, సూప్లు, పప్పు, వెజిటబుల్ స్టైర్ ఫ్రై వంటి ఆహారాలకు జోడించవచ్చు.
మెంతి నీటిని తీసుకుంటే ఆరోగ్యానికి చాలా మంచిది. ఈ మెంతి వాటర్ లో కొవ్వును తగ్గించే లక్షణాలను ఎక్కువగా ఉంటాయి. ఈ పానీయం తయారు చేయడం సులభం, టీ లేదా కాఫీకి ప్రత్యామ్నాయంగా తీసుకోవచ్చు. మీకు కావలసిందల్లా మెంతి గింజలు(Fenugreek Seeds), నీరు, మీకు నచ్చిన స్వీటెనర్ అంతే.
మెంతి పానీయం ఎలా తయారు చేయాలి?
మెంతి వాటర్(Methi Water) సిద్ధం చేయడానికి, ముందుగా మెంతి గింజలను రాత్రిపూట నీటిలో నానబెట్టండి. మరుసటి రోజు ఉదయం, నీటిని వడకట్టి విత్తనాలను తీసేయాలి. ఒక బాణలిలో వడకట్టిన నీటిని వేసి మరిగించాలి. అలా పదినిమిషాలు చేయాలి. అప్పుడు మీకు నచ్చిన స్వీటెనర్ కాస్త వేసుకోవాలి. మెంతి పానీయం వేడిగా లేదా చల్లగా తాగవచ్చు. రుచిని మెరుగుపరచడానికి నిమ్మకాయ రసం జోడించవచ్చు.
మెంతులతో అనేక ఆరోగ్య ప్రయోజనాలు ఉన్నాయి. మెంతి నీరు ఊబకాయాన్ని తగ్గించడంలో చాలా ప్రభావవంతంగా ఉంటుంది. అయితే కొంత మందికి ఈ మెంతి నీరు(Fenugreek Water) పడకపోవచ్చు. కొన్ని రకాల అనారోగ్య సమస్యలు, ఫుడ్ ఎలర్జీలు ఉన్నవారు మెంతి నీరు తాగితే ప్రయోజనాల కంటే దుష్ప్రభావాలే ఎక్కువ.
కొందరికి మెంతి నీళ్ళు తాగితే అజీర్తి సమస్య వస్తుంది. అలాంటి వారి పేగుల్లో ఉండే బ్యాక్టీరియా గ్యాస్ను తయారు చేయడం ప్రారంభిస్తుంది. దానివల్ల ఈ సమస్య వస్తుంది. కొన్ని నివేదికల ప్రకారం, గర్భిణీ స్త్రీలు మెంతి నీటిని తాగకూడదు. కొంతమంది స్త్రీలలో ఇది గర్భస్రావం కలిగిస్తుంది. కాబట్టి గర్భిణీలు వైద్యుని సలహా మేరకే మెంతులను ఆహారంలో తీసుకోండి.
మెంతులు మీ రక్తంలో చక్కెర స్థాయిలను సమతుల్యం చేయడంలో సహాయపడతాయి. అయితే మీరు ఇప్పటికే డయాబెటిస్కు మందులు తీసుకుంటుంటే మెంతులు తీసుకోవడం మానేయడం మంచిది. ఎందుకంటే గ్లూకోజ్ స్థాయి పరిమితికి మించి తగ్గిపోవచ్చు. ఇది కూడా సమస్యే.
సంబంధిత కథనం