Fenugreek Tea Recipe : మధుమేహం ఉంటే.. మెంతి టీ తాగేయండి.. ఎందుకంటే..

మధుమేహాన్ని నివారించడంలో మెంతులు ఎంతగానో ఉపయోగపడతాయి. దీనిలో చాలా గుణాలున్నాయి. ఇవి ఆరోగ్యానికి చాలా మంచివి. మెంతి టీ తాగడం ప్రయోజనకరమని.. దీనితో మధుమేహాన్ని అదుపులో ఉంచుకోవచ్చని అంటారు. కానీ చాలా మందికి మెంతి టీ తయారు చేయడం రాదు. అయితే ఈ టీని ఎలా తయారు చేయాలో ఇప్పుడు తెలుసుకుందాం.

ఈ టీ సిద్ధం చేయడానికి ముందుగా మెంతులు గింజలను బాగా పౌడర్ చేసుకోవాలి. 

మరొక వైపు నీటిని వేడి చేయండి. ఆ వేడి నీళ్లను ఒక కప్పు తీసుకోండి. దానికి ఒక టీస్పూన్ మెంతిపొడి కలపండి.

ఇప్పుడు మీరు ఈ మిశ్రమాన్ని స్ట్రైనర్‌తో వడకట్టవచ్చు. ఇది నీటి నుంచి మెంతి పొడిని వేరు చేస్తుంది. మెంతి టీ దాదాపు సిద్ధమైనట్లే.

దీని రుచిని పెంచుకోవడానికి మీరు దీనిని తేనెతో కలపి సేవించవచ్చు. ఇది మెంతి టీ నాణ్యతను మరింత పెంచుతుంది. మీరు తేనె తీసుకునేముందు.. అది మీకు సరైనదో.. కాదో.. వైద్యుడి సలహా తీసుకోండి.

ఇప్పుడు ఈ టీని వేడిగా తాగండి. ఇది మధుమేహం సమస్యను తగ్గిస్తుంది. ఇది కాకుండా జీర్ణ సమస్యలు కూడా కొద్దిగా తగ్గుతాయి.

చాలా మంది మెంతి నీటిని కూడా తీసుకుంటారు. దీనికోసం మెంతులను రాత్రంతా నానబెట్టండి. ఆ తర్వాత నీటిని ఫిల్టర్ చేసి.. తులసి ఆకులను నీటిలో కలిపి మరిగించాలి. ఆ తర్వాత దానిని టీ లాగా తాగాలి. దీని వల్ల కూడా చాలా ప్రయోజనాలు కూడా ఉన్నాయి.