Ssmb28 OTT Rights: షూటింగ్ కంప్లీట్ కాకముందే అమ్ముడుపోయిన మ‌హేష్ - త్రివిక్ర‌మ్ మూవీ ఓటీటీ రైట్స్‌-mahesh babu trivikram movie ott platform locked ssmb28 ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Mahesh Babu Trivikram Movie Ott Platform Locked Ssmb28

Ssmb28 OTT Rights: షూటింగ్ కంప్లీట్ కాకముందే అమ్ముడుపోయిన మ‌హేష్ - త్రివిక్ర‌మ్ మూవీ ఓటీటీ రైట్స్‌

Nelki Naresh Kumar HT Telugu
Jan 14, 2023 05:08 PM IST

Ssmb28 OTT Rights: మ‌హేష్‌బాబు - త్రివిక్ర‌మ్ క‌ల‌యిక‌లో రూపొందుతోన్న సినిమా షూటింగ్ పూర్తికాక‌ముందే ఓటీటీ డీల్ పూర్త‌యింది. ఈ సినిమా స్ట్రీమింగ్ హ‌క్కుల‌ను ఏ ఓటీటీ ప్లాట్‌ఫామ్ ద‌క్కించుకున్న‌దంటే...

మ‌హేష్‌బాబు
మ‌హేష్‌బాబు

Ssmb28 OTT Rights: అత‌డు, ఖ‌లేజా త‌ర్వాత హీరో మ‌హేష్‌బాబు, ద‌ర్శ‌కుడు త్రివిక్ర‌మ్ క‌ల‌యిక‌లో హ్యాట్రిక్ సినిమా రాబోతున్న సంగ‌తి తెలిసిందే. ఈ సినిమా షూటింగ్ పూర్తికాక‌ముందే ఓటీటీ డీల్ ముగిసింది. మ‌హేష్ - త్రివిక్ర‌మ్ మూవీ డిజిట‌ల్ రైట్స్‌ను ప్ర‌ముఖ ఓటీటీ ప్లాట్‌ఫామ్ నెట్‌ఫ్లిక్స్ ద‌క్కించుకున్న‌ది.

ట్రెండింగ్ వార్తలు

ఈ సినిమా స్ట్రీమింగ్ రైట్స్ తాము కొనుగోలు చేసిన‌ట్లు నెట్‌ఫ్లిక్స్ శ‌నివారం ప్ర‌క‌టించింది. తెలుగుతో పాటు త‌మిళం, మ‌ల‌యాళం, క‌న్న‌డ స్ట్రీమింగ్ హ‌క్కుల‌ను తామే తీసుకున్న‌ట్లు వెల్ల‌డించింది. ఈ సినిమా ఫ‌స్ట్ షెడ్యూల్ మాత్ర‌మే ఇప్ప‌టివ‌ర‌కు పూర్త‌యింది.

అప్పుడే ఈ సినిమా ఓటీటీ రైట్స్ అమ్ముడుపోవ‌డం హాట్‌టాపిక్‌గా మారింది. భారీ ధ‌ర‌కు మ‌హేష్‌, త్రివిక్ర‌మ్ మూవీ డిజిట‌ల్ రైట్స్‌ను నెట్‌ఫ్లిక్స్ ద‌క్కించుకున్న‌ట్లు స‌మాచారం. సెప్టెంబ‌ర్‌లో ఈ సినిమా రెగ్యుల‌ర్ షూటింగ్ ప్రారంభ‌మైంది. ఫ‌స్ట్ షెడ్యూల్‌లో ఓ యాక్ష‌న్ ఎపిసోడ్‌ను చిత్రీక‌రించారు ద‌ర్శ‌కుడు త్రివిక్ర‌మ్‌.

ఆ త‌ర్వాత కృష్ణ మ‌ర‌ణించ‌డంతో షూటింగ్ వాయిదాప‌డింది. ఈ నెలాఖ‌రున సెకండ్ షెడ్యూల్‌ను ప్రారంభించేందుకు స‌న్నాహాలు చేస్తున్నారు. ఏక‌ధాటిగా మార్చి 30 వ‌ర‌కు షూటింగ్ జ‌రుప‌బోతున్న‌ట్లు స‌మాచారం. ఈ సినిమాలో మ‌హేష్‌బాబుకు జోడీగా పూజా హెగ్డే హీరోయిన్‌గా న‌టిస్తోంది.

శ్రీలీల మ‌రో హీరోయిన్‌గా న‌టిస్తోన్న‌ట్లు ప్ర‌చారం జ‌రుగుతోంది. హారిక హాసిని క్రియేష‌న్స్ ప‌తాకంపై రాధాకృష్ణ ఈ సినిమాను నిర్మిస్తోన్నారు. త‌మ‌న్ సంగీతాన్ని అందిస్తున్నాడు. మ‌హేష్‌బాబు హీరోగా న‌టిస్తోన్న 28వ సినిమా ఇది. ఈ సినిమాకు ఎస్ఎస్ఎంబీ28 అనే వ‌ర్కింగ్ టైటిల్‌ను ఫిక్స్ చేశారు.

WhatsApp channel
హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే బిగ్‌బాస్ 7 తెలుగు, ఓటీటీ తాజా అప్‌డేట్స్ పొందండి.