WPI inflation in September: మరింత తగ్గిన టోకు ధరల ఆధారిత ద్రవ్యోల్బణం

India WPI inflation : దేశంలో టోకు ధరల ఆధారిత ద్రవ్యోల్బణం.. సెప్టెంబర్​లో దిగొచ్చింది. డబ్ల్యూపీఐ(హోల్​ ప్రైజ్​ ఇండెక్స్​).. సెప్టెంబర్​లో 10.7శాతంగా నమోదైంది. ఆగస్టులో ఇది 12.41శాతంగా ఉంది. ప్రస్తుతానికి టోకు ధరల ఆధారిత ద్రవ్యోల్బణం తగ్గినప్పటికీ.. 18 నెలలుగా రెండంకెల్లోనే ఉండటం ఆందోళనకు గురిచేస్తోంది.

ఆహార ఉత్పత్తి విభాగంలో ద్రవ్యోల్బణం 176(ఆగస్టు) నుంచి సెప్టెంబర్​లో 175.2కు దిగొచ్చింది. డబ్ల్యూపీఐ ఫుడ్​ ఇండెక్స్​ ఆధారిత రేట్​ ఆఫ్​ ఇన్​ఫ్లేషన్​ ఆగస్టులో 9.93శాతంగా ఉండగా, సెప్టెంబర్​లో 8.08శాతానికి దిగొచ్చింది. ఈ డేటాన మినిస్ట్రీ ఆఫ్​ కామర్స్​ అండ్​ ఇండస్ట్రీ శుక్రవారం ప్రకటించింది.

India CPI data : సెప్టెంబర్​లో ద్రవ్యోల్బణం పెరుగుదలకు మినరల్​ ఆయిల్స్​, ఆహార ఉత్పత్తులు, క్రూడ్​ పెట్రోలియం, నేచ్యురల్​ గ్యాస్​, కెమికల్స్​ అండ్​ కెమికల్​ ప్రాడక్ట్స్​, లోహాలు, విద్యుత్​, టెక్స్​టైల్​ వంటి అంశాలు ప్రధాన కారణమని తెలుస్తున్నాయి.

సెప్టెంబర్​లో ఇండియాలో ద్రవ్యోల్బణం 7.41శాతానికి చేరింది. ఆగస్టులో ఇది 7శాతంగా ఉండేది. ద్రవ్యోల్బణాన్ని 2-6శాతం మధ్యలో ఉంచాలన్న ఆర్​బీఐ ప్రణాళికలు ఫలించడం లేదని దీని ద్వారా అర్థమవుతోంది. రిజర్వ్ బ్యాంక్ ఆఫ్ ఇండియా తన ద్రవ్య విధానాన్ని రూపొందించడానికి ప్రధానంగా రిటైల్ ద్రవ్యోల్బణాన్ని పరిశీలిస్తుంది.

2021 సెప్టెంబర్​లో సీపీఐ ఇన్​ఫ్లేషన్​ 4.35శాతంగా ఉండటం గమనార్హం.

గ్రామీణ భారతంలో ధరల పెరుగుల తీవ్రత కనిపిస్తోంది. గ్రామీణ ప్రాంతాల్లో ద్రవ్యోల్బణం 7.56శాతంగా ఉండగా.. పట్టణాల్లో 7.27శాతంగా నమోదైంది.