Vivo X100 launch : వివో ఎక్స్​100 సిరీస్​ లాంచ్​.. ధర, ఫీచర్స్​ ఇవే!

Vivo X100 launch in India : వివో సంస్థ నుంచి కొత్త స్మార్ట్​ఫోన్​ సిరీస్​ లాంచ్​ అయ్యింది. దాని పేరు వివో ఎక్స్​100 సిరీస్​. ఇందులో రెండు గ్యాడ్జెట్స్​ ఉన్నాయి. అవి.. వివో ఎక్స్​100, ఎక్స్​100 ప్రో. ఈ నేపథ్యంలో ఈ స్మార్ట్​ఫోన్​ ఫీచర్స్​, ధర వంటి వివరాలను ఇక్కడ తెలుసుకుందాము..

వివో ఎక్స్​100 సిరీస్​​..

వివో ఎక్స్​100 సిరీస్​లోని గ్యాడ్జెట్స్​లో.. మీడియాటెక్ డైమెన్సిటీ 9300 ఎస్ఓసీ ప్రాసెసర్​ ఉంటుంది. వాటర్​, డస్ట్​ రెసిస్టన్స్​ దీని సొంతం. ట్రిపుల్ రేర్​ కెమెరా సెటప్​ వీటిల్లో ఉంటుంది.

Vivo X100 price in India : 16 జీబీ ర్యామ్, 512 జీబీ స్టోరేజ్ వేరియంట్ వివో ఎక్స్100 ప్రో ధర రూ.89,999గా ఉంది. వివో ఎక్స్100 12 జీబీ ర్యామ్- 256 జీబీ స్టోరేజ్ వేరియంట్ ధర రూ.63,999 కాగా, 16 జీబీ ర్యామ్- 512 జీబీ స్టోరేజ్ వేరియంట్ ధర రూ.69,999. ఎక్స్​100 స్మార్ట్​ఫోన్​స్​.. బ్లాక్, స్టార్గేజ్ బ్లూ కలర్ ఆప్షన్స్​లో అందుబాటులో ఉంటాయి. ప్రస్తుతం ప్రీ-ఆర్డర్స్​ మొదలయ్యాయి. జనవరి 11 నుంచి ఫ్లిప్​కార్ట్​, వివో ఇండియా ఆన్​లైన్​ స్టోర్, ఇతర రీటైల్​ స్టోర్స్​లో ఈ గ్యాడ్జెట్​ని కొనుగోలు చేసుకోవచ్చు.

అంతేకాకుండా ఎంపిక చేసిన బ్యాంకు కార్డులతో ప్రీ బుకింగ్ చేసుకుంటే.. కస్టమర్లకు 10శాతం వరకు క్యాష్​బ్యాక్ పొందే అవకాశం కూడా ఉంది.

వివో ఎక్స్​100 ప్రో ఫీచర్స్​..

Vivo X100 pro price in India : వివో ఎక్స్​100 ప్రో డ్యూయల్ సిమ్ (నానో) డివైజ్​ ఆండ్రాయిడ్ 14 ఆధారిత ఫన్ టచ్ ఓఎస్ 14పై పనిచేస్తుంది. ఇందులో 6.78 ఇంచ్​ అమోలెడ్​ 8టీ ఎల్​టీపీపీఓ కర్వ్​డ్​ డిస్​ప్లే, 2160 హెచ్​జెడ్​ హై ఫ్రీక్వెన్సీ డిమ్మింగ్, 120 హెచ్​జెడ్​ రిఫ్రెష్ రేట్ ఉన్నాయి. ఆక్టాకోర్ 4ఎన్ఎం మీడియాటెక్ డైమెన్సిటీ 9300 ఎస్ఓసీ, వివో వీ2 చిప్, 16 జీబీ వరకు ఎల్​పీడీడీఆర్5 ర్యామ్ ఉన్నాయి.

కెమెరా విషయానికొస్తే.. ఎక్స్​100 ప్రో 50 మెగాపిక్సెల్ సోనీ ఐఎమ్ఎక్స్ 989 1-ఇంచ్​ టైప్ ఆప్టికల్ ఇమేజ్ స్టెబిలైజేషన్ (ఓఐఎస్), 50 మెగాపిక్సెల్ రిజల్యూషన్​తో అల్ట్రా-వైడ్-యాంగిల్ కెమెరా, 50 మెగాపిక్సెల్ రిజల్యూషన్ ఓఐఎస్తో జైస్ ఎపిఓ సూపర్-టెలిఫోటో కెమెరాను కలిగి ఉంటుంది. టెలిఫోటో కెమెరా 4.3 రెట్ల ఆప్టికల్ జూమ్ సామర్థ్యాన్ని కలిగి ఉంటుంది. ప్రైమరీ, టెలిఫోటో కెమెరాలు రెండూ కూడా 100 ఎక్స్ డిజిటల్ జూమ్​తో ఉంటాయి. సెల్ఫీలు, వీడియో కాల్స్ కోసం 32 మెగాపిక్సెల్ ఫ్రంట్ కెమెరా ఉంటుంది.

Vivo X100 features : యూఎఫ్ఎస్ 4.0 ఇన్​బిల్డ్​ స్టోరేజ్, కనెక్టివిటీ ఫీచర్లు 5జీ, వై-ఫై 7, బ్లూటూత్, ఎన్ఎఫ్సీ, జీపీఎస్, నావిక్, ఓటీజీ, యూఎస్బీ టైప్-సీ పోర్టు ఉన్నాయి. ఎక్స్ 100 ప్రోలో ఇన్-డిస్​ప్లే ఫింగర్ ప్రింట్ సెన్సార్, యాక్సెలరోమీటర్, యాంబియంట్ లైట్ సెన్సార్, ప్రాక్సిమిటీ సెన్సార్, ఇ-కంపాస్, గైరోస్కోప్, ఫ్లిక్కర్ సెన్సార్, మల్టీస్పెక్ట్రల్ సెన్సార్, ఇన్ఫ్రారెడ్ రిమోట్ కంట్రోల్ వంటి సెన్సార్లు ఉన్నాయి. 100వాట్ వైర్డ్ ఫాస్ట్ ఛార్జింగ్ సపోర్ట్, 50వాట్ వైర్లెస్ ఛార్జింగ్ సపోర్ట్​, 5,400 ఎంఏహెచ్ బ్యాటరీని కలిగి ఉంది. ఈ గ్యాడ్జెట్​ బరువు 221 గ్రాములు.

వివో ఎక్స్100- ఫీచర్స్​..

Vivo X100 Pro features : స్టాండర్డ్ వివో ఎక్స్100 ప్రో స్మార్ట్​ఫోన్​లో ఉన్నట్టుగానే.. సిమ్, సాఫ్ట్​వేర్, డిస్​ప్లే స్పెసిఫికేషన్లను కలిగి ఉంది. 4 ఎన్ఎమ్ మీడియాటెక్ డైమెన్సిటీ 9300 ఎస్ఓసితో పనిచేసే ఈ ఫోన్.. 16 జీబీ వరకు ఎల్​పీడీడీఆర్​ 5 ర్యామ్, వివో వి 2 చిప్, జీ 720 జీపీయూను అందిస్తుంది. జీస్ బ్రాండెడ్ ట్రిపుల్ రియర్ కెమెరా సెటప్​లో.. 50 మెగాపిక్సెల్ ప్రైమరీ సోనీ ఐఎంఎక్స్ 920 విసిఎస్ బయోనిక్ మెయిన్ కెమెరా విత్ ఓఐఎస్, 50 మెగాపిక్సెల్ అల్ట్రా-వైడ్ యాంగిల్ కెమెరా, 100 ఎక్స్ క్లియర్ జూమ్​తో 64 మెగాపిక్సెల్ సూపర్ టెలిఫోటో కెమెరా ఉన్నాయి. సెల్ఫీల కోసం ముందువైపు 32 మెగాపిక్సెల్ కెమెరాను అందించారు. 1 టీబీ వరకు స్టోరేజ్​ ఆప్షన్​ ఉంది. 120వాట్ ఫాస్ట్ ఛార్జింగ్ సపోర్ట్​తో 5,000 ఎంఏహెచ్ బ్యాటరీని కలిగి ఉన్న ఈ ఫోన్ వినియోగదారులకు అసాధారణ ఛార్జింగ్ అనుభవాన్ని అందిస్తుంది. ఈ ఎక్స్​100 బరువు 220 గ్రాములు.