2025 Kia Seltos : ఇండియాలోనే బెస్ట్​ సెల్లింగ్​ ఎస్​యూవీ- ఇప్పుడు సరికొత్త అవతారంలో..

దిగ్గజ ఆటోమొబైల్​ సంస్థ కియా మోటార్స్​.. ఇండియాలో బెస్ట్​ సెల్లింగ్​ ఎస్​యూవీగా కొనసాగుతున్న సెల్టోస్​కి ఫేస్​లిఫ్ట్​ వర్షెన్​ని రెడీ చేస్తోంది. ఈ కియా సెల్టోస్​ 2025 ద్వితీయార్థంలో అందుబాటులోకి రావొచ్చు. ఇక ఇప్పుడు ఈ మోడల్​ స్పై షాట్స్​ మళ్లీ ఆన్​లైన్​లో దర్శనమిచ్చాయి. కొత్త సపై షాట్స్​ రాబోయే కాంపాక్ట్ ఎస్​యూవీ ఫ్రంట్ ప్రొఫైల్​ని కాస్త రివీల్​ చేశాయి.

కియా సెల్టోస్​ ఫేస్​లిఫ్ట్​..

కియా సెల్టోస్ భారతదేశంలో చాలా ప్రాచుర్యం పొందిన ఎస్​యూవీ. ముఖ్యంగా దాని అగ్రెసివ్​ డిజైన్ లాంగ్వేజ్​కి కస్టమర్స్​ ఇంప్రెస్​ అవుతున్నారు. సెకండ్ జనరేషన్ మోడల్​తో కియా మరింత బోల్డ్​గా వెళ్లినట్లు తెలుస్తోంది.

2025 కియా సెల్టోస్ ప్రస్తుత కోణీయా హెడ్ లైట్ల మాదిరిగా కాకుండా.. ఫ్లాట్, పెద్ద ఫ్రంట్ గ్రిల్​ను పొందుతుందని తాజా స్పై షాట్లు సూచిస్తున్నాయి. అంతేకాకుండా, ప్రస్తుత తరం మోడల్ మాదిరిగా కాకుండా 2025 సెల్టోస్ ఫ్రంట్ గ్రిల్​లో వర్టికల్ స్లాట్​లు కలిగి ఉంటుంది.

2025 కియా సెల్టోస్: ఇతర డిజైన్ ఎలిమెంట్స్..

భారతదేశానికి చెందిన సెల్టోస్ మునుపటి స్పై షాట్లు రాబోయే కాంపాక్ట్ ఎస్​యూవీ రేర్​ ప్రొఫైల్​ని ప్రదర్శించాయి. కియా ఈవీ5ని ప్రతిధ్వనించే డిజైన్​తో టెయిల్ ల్యాంప్స్, సంప్రదాయ ఐసీఈ డిజైన్​ సమకాలీన ఈవీ ప్రభావాలతో మిళితం చేస్తాయి. స్పై షాట్ టెయిల్ లైట్లు పొడవుగా ఉంటాయని సూచిస్తున్నాయి. రేర్​ విండోస్-, బూట్​ను కలిసే స్థానం నుంచి ఈ టెయిల్​ లైట్లు ప్రారంభమై బంపర్ వరకు విస్తరించి ఉంటాయి.

ఇదిలావుండగా, సెల్టోస్ ఎస్​యూవీ షేప్​లో పెద్దగా మార్పులు కనిపించకపోవచ్చని గతంలో బయటకు వచ్చిన స్పై షాట్స్​ సూచించాయి. ఏదేమైనా, రెండవ తరం రూపంలో సెల్టోస్ కొంచెం పొడవుగా ఉండొచ్చు. ఇది ఎక్కువ క్యాబిన్ లేదా కార్గో స్పేస్​కి ఉపయోగపడుతుంది. అల్లాయ్ వీల్స్ కోసం కొత్త డిజైన్ ఎలిమెంట్స్ ఇందులో ఉన్నాయి.

సెకెండ్​ జెనరేషన్​ కియా సెల్టోస్: ఇంజిన్​..

2025 సెల్టోస్​లో మరో కీలక మార్పు దాని ఇంజిన్​ అని చెప్పుకోవాలి! వివరాలు ఇంకా గోప్యంగా ఉన్నప్పటికీ, రెండవ తరం కియా సెల్టోస్.. హ్యుండాయ్ కోనా హైబ్రిడ్​కి చెందిన 1.6-లీటర్ హైబ్రిడ్ పెట్రోల్ ఇంజిన్​ను కలిగి ఉంటుందని సమాచారం. ఇది 141 బీహెచ్​పీ పవర్​ని జనరేట్​ చేస్తుంది.

అదనంగా, ప్రస్తుత 158 బీహెచ్​పీ టర్బో పెట్రోల్ ఇంజిన్, 114 బీహెచ్​పీ డీజిల్ ఇంజిన్ కొత్త మోడల్​తో కొనసాగే అవకాశం ఉంది. 6-స్పీడ్ మ్యాన్యువల్, 6-స్పీడ్ క్లచ్​లెస్ మాన్యువల్, 6-స్పీడ్ టార్క్ కన్వర్టర్, సీవీటీ, 7-స్పీడ్ డ్యూయల్ క్లచ్ ఆటోమేటిక్ గేర్ బాక్స్ ఆప్షన్లు ఉండే అవకాశం ఉంది.

2025 కియా సెల్టోస్​ ఎస్​యూవీకి సంబంధించిన వివరాలు రానున్న కాలంలో అందుబాటులోకి రావొచ్చు.