వేములవాడ రాజన్న ఆలయంలో వైభవంగా బతుకమ్మ ఉత్సవాలు

Oct 14, 2023, 08:49 PM IST HT Telugu Desk

Oct 14, 2023, 08:49 PM , IST

రాజన్న సిరిసిల్ల జిల్లా వేములవాడ రాజరాజేశ్వర స్వామి దేవాలయంలో బతుకమ్మ వేడుకలు ఘనంగా నిర్వహించారు. మహిళలు,యువతులు, పిల్లలు అనే తారతమ్యం లేకుండా దేవాలయం వెనుకవైపున చేరి బతుకమ్మ సంబరాల్లో పాల్గొన్నారు.

(1 / 7)

పూలతో దేవుళ్లను పూజిస్తారు కానీ, పూలనే దేవుళ్లుగా పూజించే గొప్ప సంస్కృతి బతుకమ్మ పండుగదనే చెప్పవచ్చు. ప్రకృతిని ఆరాధించే ఆడబిడ్డల పూలపండుగ బతుకమ్మ.

(2 / 7)

తెలంగాణ పల్లె జీవితాన్ని ప్రకృతి రమణీయతను ఆవిష్కరించే అద్భుతమైన పండుగను వాడవాడలా మహిళలు చిన్నాపెద్దా తేడా లేకుండా ఘనంగా నిర్వహించుకుంటున్నారు.

(3 / 7)

ఎంగిలిపూల బతుకమ్మగా మొదటి రోజు ఆడే బతుకమ్మ ఆటల్లో ఎంతో ఉత్సాహంగా మహిళలు పాల్గొని పాటలు పాడుతూ నృత్యాలు చేస్తూ బతుకమ్మను ఆరాధిస్తున్నారు.

(4 / 7)

తెలంగాణ ఆడపడుచులందరు పేద, ధనిక, చిన్నా పెద్ద, అనే వ్యత్యాసం లేకుండా...బతుకమ్మ పండుగను ఘనంగా నిర్వహిస్తున్నారు. ఏ వీధి చూసినా రంగురంగుల పూల బతుకమ్మలతో కొత్తశోభను సంతరించుకున్నాయి.

(5 / 7)

రాజన్న సిరిసిల్ల జిల్లా వేములవాడ రాజరాజేశ్వర స్వామి దేవాలయంలో బతుకమ్మ వేడుకలు ఘనంగా నిర్వహించారు. మహిళలు,యువతులు, పిల్లలు అనే తారతమ్యం లేకుండా దేవాలయం వెనుకవైపున చేరి బతుకమ్మ సంబరాల్లో పాల్గొన్నారు. ఆలయంలో జరిగే బతుకమ్మ వేడుకలకోసం రంగురంగుల దీపాలను అలంకరించారు.

(6 / 7)

శ్రీచక్ర ఆకృతిలో పేర్చిన బతుకమ్మలను ఒకచోట చేర్చి దేవతల పాటలతో బతుకమ్మ ఉత్సవాలు నిర్వహించుకున్నారు. అనంతరం మేళతాళాల మధ్య దేవాలయం పక్కన గల పుష్కరిణిలో బతుకమ్మ నిమజ్జనం చేసి ఒకరికొకరు వాయనాలు ఇచ్చిపుచ్చుకున్నారు.

(7 / 7)

ఉద్యోగరీత్యా వివిధ ప్రాంతాలలో ఉన్నవాళ్లం ప్రతి సంవత్సరం ఇక్కడ జరిగే బతుకమ్మ ఉత్సవాలకు కచ్చితంగా వస్తామని యువతులు ఆనందం వ్యక్తం చేస్తున్నారు.

ఇతర గ్యాలరీలు