Vande Bharat Sleeper : రైలు పట్టాలపై స్వర్గం.. వందేభారత్ స్లీపర్ కోచ్‌ల ప్రత్యేకత ఏంటో తెలుసా?

ప్రయాణికులు ఎంతో కాలంగా ఎదురుచూస్తున్న వందేభారత్‌ స్లీపర్‌ బోగీలు చెన్నైలోని ఐసీఎఫ్‌లో తయారవుతున్నాయి. ప్రయోగాత్మకంగా సిద్ధం చేసిన ఒక బోగీని ఐసీఎఫ్‌ అధికారులు విడుదల చేశారు.

బోగీలో ఎలాంటి ఇబ్బంది లేకుండా.. 1200 కిలోమీటర్లు ప్రయాణించేందుకు అవసరమైన సదుపాయాలు ఉంటాయని అధికారులు వివరించారు. గంటకు గరిష్ఠంగా 160 కిలోమీటర్ల వేగంతో పయనించేలా ఏర్పాట్లు చేశారు.

ఈ స్లీపర్ క్లాస్ కోచ్‌ల్లో మొబైల్‌ ఛార్జింగ్, మ్యాగజైన్లు, టేబుల్, సామగ్రి కోసం విశాల స్థలం, చిన్నపాటి లైట్, వేడి నీరు, సీసీ కెమెరాలు, అత్యవసర సమయాల్లో డ్రైవరుతో మాట్లాడే సౌకర్యం ఉంది. 

ట్రయల్స్ కోసం లక్నోలోని రీసెర్చ్ డిజైన్ అండ్ స్టాండర్డ్స్ ఆర్గనైజేషన్‌కు పంపనున్నారు. ఆ తర్వాత పట్టాలెక్కే అవకాశం ఉంది. ఒక్కో ట్రైన్‌లో 11 త్రీ టైర్ ఏసీ కోచ్‌లు, 4 టూ టైర్ ఏసీ కోచ్‌లు, ఒకటి ఫస్ట్ క్లాస్ కోచ్ ఉన్నాయి. మొత్తం 823 మంది దీంట్లో ప్రయాణిచవచ్చు. 

స్లీపర్ క్లాసులు ఉన్న వందేభారత్ రైళ్లలో వాష్‌ రూమ్‌లు కూడా బాగా డిజైన్ చేశారు. వెస్టర్న్, ఇండియన్ స్టైల్‌లో తీర్చిదిద్దారు. వీటికి సంబంధించిన ఫొటోలు సోషల్ మీడియాలో వైరల్ అవుతున్నాయి. ఇంటీరియర్ బాగుందని నెటిజన్లు కితాబు ఇస్తున్నారు.