Ashtami Navami: నవరాత్రుల్లో అష్టమి, నవమి రోజుల్లో ఇవి కచ్చితంగా చేయండి.. అదృష్టం వరిస్తుంది..

ఆదిశక్తి దుర్గాదేవికి సంబంధించిన శారదీయ నవరాత్రులు మరికొద్ది రోజుల్లో ముగియబోతున్నాయి. నవరాత్రులు అక్టోబర్ 15న ప్రారంభమయ్యాయి. మరియు అక్టోబర్ 23న ముగుస్తాయి. అక్టోబర్ 24న విజయదశమి అంటే దసరా పండుగను అన్ని చోట్లా జరుపుకోబోతున్నారు.

నవరాత్రి పండుగలో అష్టమి-నవమి తిథి చాలా ముఖ్యమైనది. ఈ రెండు తిథులలో కొన్ని పరిహారాలు చేయడం వల్ల దుర్గామాత అనుగ్రహంతో జీవితంలోని బాధలు తొలగిపోతాయి. 

ఈ సంవత్సరం నవరాత్రులలో అష్టమి తిథి అక్టోబర్ 22వ తేదీన, మహా నవమి అక్టోబర్ 23వ తేదీన వస్తోంది.

నవరాత్రులలో అష్టమి-నవమి తిథి నాడు అమ్మవారిని పూజించడం వల్ల పుణ్యఫలం లభిస్తుందని నమ్ముతారు. ఈ పూజ వల్ల దుర్గ మాత ప్రసన్నురాలయి భక్తులకు సుఖ సంతోషాలను ప్రసాదిస్తుందని చెబుతారు.

అష్టమి, నవమి రోజున మీ శక్తి మేరకు పేదలకు దానధర్మాలు చేయాలి. ఈ రెండు తిథులలో మీరు అవసరమైన వారికి ఆహార ధాన్యాలు, బట్టలు, డబ్బు ఇవ్వవచ్చు. దానధర్మాలు చేయడం ద్వారా అమ్మ ప్రసన్నురాలై భక్తుల కోరికలు తీరుస్తుంది.

నవరాత్రి చివరి రోజు అంటే నవమి నాడు కుంకుమ, గాజులు, కాటుక, తదితర వస్తువులను దానం చేయడం శుభప్రదం.

నవరాత్రులలో అష్టమి, నవమి తిథిలలో దుర్గా మాతకు నీరు సమర్పించడం ఐశ్వర్యాన్ని కలిగిస్తుందని నమ్ముతారు. ఈ రోజున అత్తరు కలిపిన సువాసన గల నీటితో దుర్గా దేవికి జలాభిషేకం చేయాలి.

నవరాత్రులలో అష్టమి-నవమి తిథులలో మహిషాసుర మర్దిని లేదా దుర్గా సప్తశతి భక్తి ప్రపత్తులతో చదవాలి. ఇలా పారాయణం చేయడం వల్ల దుర్గాదేవి భక్తులను అనుగ్రహిస్తుంది.

అష్టమి, నవమి రోజున ఇంటి ప్రధాన ద్వారం వద్ద ఆవు నెయ్యి దీపం వెలిగించాలి. ఇలా చేయడం వల్ల అమ్మవారి అనుగ్రహం లభిస్తుందని, ఇంట్లోని అరిష్టాలు తొలగిపోతాయని నమ్మకం.