చంద్రగ్రహణం 2024: ఈ 4 పరిహారాలు గ్రహణం యొక్క చెడు ప్రభావాల నుండి రక్షిస్తాయి, ప్రతికూల శక్తిని తొలగిస్తాయి

సైన్సులో గ్రహణాన్ని ఖగోళ సంఘటనగా పరిగణిస్తారు. చంద్ర, సౌర దృగ్విషయాలు రెండూ చంద్రుడు, భూమి మరియు సూర్యుడి స్థానాల వల్ల సంభవిస్తాయి. మతం మరియు జ్యోతిషశాస్త్రంలో, సూర్య చంద్రుల గ్రహణాన్ని అశుభ సంఘటనగా భావిస్తారు.  2024లో రెండు సూర్యగ్రహణాలు, రెండు చంద్రగ్రహణాలు ఏర్పడనున్నాయి.

ఈ ఏడాది తొలి చంద్రగ్రహణం మార్చి 25న ఏర్పడనుంది. రెండో చంద్రగ్రహణం సెప్టెంబర్ 18న ఏర్పడనుంది. 2024లో తొలి సూర్యగ్రహణం ఏప్రిల్ 8న, రెండో సూర్యగ్రహణం అక్టోబర్ 2న ఏర్పడనుంది. జ్యోతిషశాస్త్రం ప్రకారం గ్రహణం సమయంలో భూమిపై రాహువు ప్రభావం పెరుగుతుంది.

గ్రహణం సమయంలో అనేక నియమాలు పాటిస్తారు. దాని అశుభ ప్రభావాలను నివారించడానికి కొన్ని వస్తువులను ఉపయోగించడం చాలా ప్రయోజనకరంగా పరిగణిస్తారు.. ఈ విషయాల గురించి తెలుసుకుందాం .

హిందూ మతంలో తులసి మొక్కను చాలా పవిత్రంగా భావిస్తారు. గ్రహణం దుష్ప్రభావాలను తగ్గించడానికి తులసి ఆకులను ఆహారంలో చేర్చుతారు. తులసి ఆకులను ఆహారంలో చేర్చుకోవడం వల్ల గ్రహణం యొక్క ప్రతికూల ప్రభావాలు తగ్గుతాయి.

హిందూ మతంలో దర్బ గడ్డిని ఆరాధన మరియు శుభకార్యాలకు ఉపయోగిస్తారు. గ్రహణ దుష్ప్రభావాలకు ఇది పరిహారంగా భావిస్తారు. గ్రహణానికి ముందు దీనిని ఆహారం, నీటి కంటైనర్లలో ఉంచుతారు. సూర్యుని నుండి వెలువడే హానికరమైన మరియు ప్రతికూల శక్తి నుండి రక్షిస్తుందని నమ్ముతారు.

జ్యోతిషశాస్త్రం ప్రకారం గ్రహణం సమయంలో అనేక దుష్ట శక్తులు మేల్కొంటాయి. దాని దుష్ప్రభావాలను నివారించడానికి, ప్రజలు గ్రహణం సమయంలో దానం కూడా చేస్తారు. గ్రహణం ముగిశాక స్నానం చేసి పూజ ముగిశాక నువ్వులను అవసరమైన వారికి దానం చేయాలి. గ్రహణం తర్వాత నువ్వులను దానం చేయడం శుభప్రదంగా భావిస్తారు. దీనివల్ల రాహు, కేతువుల ఆశీస్సులు లభిస్తాయట.