TSPSC Group 1 Updates : గ్రూప్‌- 1 అభ్యర్థులకు శుభవార్త... వయోపరిమితి పెంపు

త్వరలోనే తెలంగాణ గ్రూప్ - 1 నోటిఫికేషన్ రానుంది. గతంలో ఇచ్చిన నోటిఫికేషన్ లో మార్పులు చూస్తే… ఇచ్చేందుకు సిద్ధమైంది కాంగ్రెస్ ప్రభుత్వం.

ఇదే అంశంపై శుక్రవారం అసెంబ్లీలో మాట్లాడిన సీఎం రేవంత్ రెడ్డి కీలక ప్రకటన చేశారు.

వయోపరిమితిని 46 ఏళ్లకు పెంచుతామని ప్రకటించారు ముఖ్యమంత్రి రేవంత్ రెడ్డి.  త్వరలోనే గ్రూప్‌-1 నిర్వహిస్తామని అసెంబ్లీ వేదికగా తెలిపారు.

గ్రూప్-1లో అదనంగా మరో 60 పోస్టులను భర్తీ చేయనుంది ప్రభుత్వం. గతంలో టీఎస్పీఎస్సీ 503 పోస్టుల భర్తీకి గ్రూప్-1 నోటిఫికేషన్ జారీ చేసిన విషయం తెలిసిందే. తాజాగా వీటికి మరో 60 పోస్టులను అదనంగా చేరుస్తూ రాష్ట్ర ప్రభుత్వం నిర్ణయం తీసుకుంది

వీటిపై వీలైనంత త్వరగా నోటిఫికేషన్ ఇవ్వాలని టీఎస్పీఎస్సీని ఆదేశించింది. ఈ కొత్త పోస్టుల‌కు స‌ప్లిమెంట‌రీ నోటిఫికేష‌న్ ఇస్తారా? పాత నోటిఫికేష‌న్ ర‌ద్దు చేసి మరో నోటిఫికేష‌న్ జారీ చేస్తారా? అనేది తెలియాల్సి ఉంది.

వయోపరిమితి విషయంలో చాలా మంది అభ్యర్థులు ప్రభుత్వానికి విజ్ఞప్తి చేస్తున్నారు. ఈ నేపథ్యంలోనే… అసెంబ్లీ వేదికగా ముఖ్యమంత్రి రేవంత్ రెడ్డి ప్రకటన చేసినట్లు తెలుస్తోంది.