Yamaha Aerox 155 S: స్మార్ట్ కీ తో స్టైలిష్ స్కూటర్.. యమహా ఏరోక్స్ 155 ఎస్

ఇండియా యమహా మోటార్ ఈ ఏడాది ప్రారంభంలో ఏరోక్స్ 155 ఎస్ వేరియంట్ ను విడుదల చేసింది. ఇది ఈ స్కూటర్ టాప్-ఎండ్ వేరియంట్. ఈ స్కూటర్ ఎక్స్ షోరూమ్ ధర రూ.1,50,900. 

ఇది రేసింగ్ బ్లూ, సిల్వర్ అనే రెండు కలర్స్ లో లభిస్తుంది. ఈ స్కూటర్ కొత్త వేరియంట్ ను బ్లూ స్క్వేర్ డీలర్ షిప్ ల ద్వారా మాత్రమే విక్రయిస్తున్నారు.

2024 యమహా ఏరోక్స్ ఎస్ మోడల్ లో ప్రధానంగా స్మార్ట్ కీ అదనంగా ఉంది దీని ద్వారా కీలెస్ ఇగ్నిషన్ ను పొందవచ్చు, 

ఈ స్మార్ట్ కీ కి అలవాటు పడటానికి కొంత సమయం పడుతుంది. స్కూటర్ ఆన్ లో ఉన్నా, ఇగ్నీషన్ లో ఉన్నా, అక్కడి నుంచి వెళ్లిపోతే వెంటనే బీప్ శబ్ధం వస్తుంది. బజర్ సౌండ్, ఆన్సర్ బ్యాక్ సామర్థ్యం, ఫ్లాషింగ్ బ్లింకర్స్ వంటి ఫీచర్లను కూడా యమహా అందిస్తోంది.

ముందు భాగంలో ఉన్న ఎల్ఈడి హెడ్ ల్యాంప్ చాలా ప్రకాశవంతంగా ఉంటుంది. నగర వినియోగానికి మంచి స్ప్రెడ్ కలిగి ఉంది. ఎల్ఈడీ టెయిల్ ల్యాంప్ కూడా ఉంది, కానీ టర్న్ ఇండికేటర్లు ఇప్పటికీ హాలోజెన్ యూనిట్లుగా ఉన్నాయి. 

ఈ స్కూటర్ కు వెనుక సస్పెన్షన్ ను మరింత మెరుగుపర్చారు. తద్వారా కంఫర్ట్ లెవెల్స్ మరింత పెరిగాయి.

ఆటోమేటిక్ స్టార్ట్/స్టాప్ ఫంక్షనాలిటీ కూడా బాగా పనిచేస్తుంది. స్కూటర్ ఇంజిన్ ఆటోమేటిక్ గా ఆఫ్ అవుతుంది. దానిని తిరిగి ఆన్ చేయడానికి, రైడర్ త్రోటిల్ ను తిప్పాల్సి ఉంటుంది. 

రోటరీ నాబ్ వెంట, ఫ్యూయెల్ క్యాప్ ను తెరిచే బటన్,  సీటు తెరవడానికి ఉపయోగించే బటన్ ఉంటాయి. సీటు కింద మంచి స్టోరేజ్ ఉంది. అయితే, ఫ్యూయల్ ట్యాంక్ చాలా చిన్నది, ఇందులో 5.5 లీటర్ల పెట్రోలు మాత్రమే ఫిల్ చేయగలం.